प्रहरी हत्याका मुख्य योजनाकार पक्राउ, मृतक दुवै प्रहरीको एक तह बढुवा

प्रहरी

काठमाडौं, पुस १३ । कैलालीमा दुई जना प्रहरीको हत्याका मुख्य योजनाकार भनिएका व्यक्ति पक्राउ परेका छन्।

धनगढी उपमहानगरपालिका १० जुगेडाका ३४ वर्षीय सुकबहादुर भन्ने अमर रानालाई सूदुरपश्चिम प्रहरीले पक्राउ गरेको हो।

उनी घटनापश्चात् भारततर्फ भागेका थिए। उनी नेपालतर्फ आइरहेको भन्ने विशेष सूचनाको आधारमा सुदूरपश्चिम प्रदेश प्रहरी कार्यालय र जिल्ला प्रहरी कार्यालय कैलालीको टोलीले आइतबार राति सिमाना नजिकैबाट पक्राउ गरेको हो।

उनलाई सोमबार जिल्ला अदालतमा पेश गर्ने तयारी प्रहरीले गरेको छ। गत कात्तिक १ गते राति साढे १० बजे अस्थायी प्रहरी पोष्ट जुगेडामा कार्यरत प्रहरी सहायक निरीक्षक गोविन्द बिक र प्रहरी जवान राम बहादुर साउदको सीमावर्ती क्षेत्रमा गस्ती गएका बेला हत्या भएको थियो।

जुगेडा कटान एरियामा भारततर्फ गोरु गाडामा मटर तस्करी गरिरहेको अवस्थामा गस्ती टोलीले फेला पारी नियन्त्रणमा लिने क्रममा तस्करहरुको समूहले दुवै जनाको धारिलो हतियार प्रयोग गरी हत्या गरेका थिए। उनीहरुको शव एक जनाको भोलिपल्ट र अर्काको तीनदिनपछि नदीमा फेला परेको थियो।

घटनामा संलग्न ९ जना पर्कु भन्ने रोहित राना ,राजेन्द्र राना, चोर भन्ने सुरेश राना ,गब्बर भन्ने राज कुमार राना, राम निवास राना, टल्लु भन्ने दलराम राना, रोहित राना, गोपाल भन्ने राम गोपाल राना र राजिव गुप्तालाई पक्राउ गरी कर्तव्य ज्यान मुद्दा दर्ता भइसकेको छ।

उनीहरुमध्ये अदलतले मंसिर ८ गते ८ जनालाई पुर्पक्षका लागि कारागार चलान गरेको छ। राजिव गुप्ता डेढ लाख रुपैयाँ धरौटीमा छुटेका छन्।

यसैबीच त्यहाँ ज्यान गुमाएका दुवै प्रहरीको एक तह बढुवा गरिएको छ। बिक प्रहरी नायव निरीक्षक र साउदलाई प्रहरी हवल्दारमा पदोन्नति गरिएको छ।

प्रतिक्रिया :

भर्खरै प्रकाशित

एमसीसी जस्ताको त्यस्तै पास गर्ने पक्षमा छैनौं : नारायणकाजी श्रेष्ठ

पोखरा, ११ मंसिर । नेकपा माओवादी केन्द्रका नेता नारायणकाजी श्रेष्ठले अमेरिकी मिलेनियम च्यालेञ्ज कर्पोरेसन (एमसीसी) जस्ताको त्यस्तै पास गर्ने पक्षमा आफ्नो पार्टी नरहेको बताएका छन् ।…

सौराहामा एमाले महाधिवेशनको बन्द सत्र शुरु

चितवन, ११ मंसिर । नेकपा (एमाले) को १० औं राष्ट्रिय महाधिवेशन अन्तर्गतको बन्द सत्र सचितवन सौराहामा शुरु भएको छ । निर्धारित समयभन्दा धेरै ढिलो गरी बन्द…

पछिल्लो २४ घण्टामा २१३ मा कोरोना संक्रमण, ३१५ जना निको,…

काठमाडौं, ११ मंसिर । नेपालमा पछिल्लो २४ घण्टामा २१३ जनामा कोरोना भाइरस संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार देशभर ६,६३२ नमुना परीक्षण…

प्रदेशहरूले विकास खर्च गर्न सकेनन्

काठमाडौं, ७ मंसिर । संघीय सरकारको विकास खर्च ५ प्रतिशतको हाराहारीमा रहेका बेला प्रदेश सरकारहरूको पूँजीगत खर्च पनि पहिलो त्रैमासमा कमजोर देखिएको छ । सिंहदरबारको अधिकार…

एमसीसी संशोधनपछि मात्र पास हुन्छ : गिरिराजमणि

सिरहा, ७ मंसिर । नेकपा (माओवादी केन्द्र) का स्थायी समिति सदस्य गिरिराजमणि पोखरेलले अमेरिकी सहयोग अन्तर्गतको मिलेनियम च्यालेन्ज कर्पोरेशन (एमसीसी) संशोधनपछि मात्र पास गर्ने बताएका छन्…