कोरोनाको उद्गमस्थल वुहानबारे समाचार लेख्ने चिनियाँ पत्रकारलाई चार वर्ष जेल सजाय

कोरोना

काठमाडौं, पुस १३ ।कोरोना भाइरसको उत्पत्तिस्थल वुहानबाट कोरोनाबारे समाचार लेख्ने एक चिनियाँ पत्रकारलाई त्यहाँको अदालतले चार वर्षको जेल सजाय तोकिदिएको छ।

हाल ३७ वर्षकी पत्रकार तथा पूर्व वकिल रहेकी जाङ जिहानलाई यसअघि पाँच वर्षको जेल सजाय दिइनुपर्ने सिफारिस गरिएको थियो। यद्यपी सांघाइको अदालतले उनलाई सोमबार चार वर्षको जेल सजाय तोकिदिएको हो।

सन् २०१९ मा हङकङमा भएको प्रदर्शनमा उनले आन्दोलनकारीको साथ दिएकी थिइन्। त्यसबेला पनि उनलाई पक्राउ गरिएको थियो। आन्दोलनकारीले त्यसबेला हङकङ चीनबाट स्वतन्त्र हुनुपर्ने माग गरेको थियो।

उनलाई प्रहरीले गत मे महिनादेखि नै नियन्त्रणमा लिएको बताइएको छ। सुरुवातमा कोरोनाको उत्पत्तिस्थल वुहानबारे समाचार लेख्ने धेरैलाई चीनले नियन्त्रणमा लिएको थियो। सोही क्रममा उनी पनि पक्राउ परेका हुन्।

जुन १९ मा उनलाई औपचारिक रुपमै पक्राउ गरिएको थियो। पत्रकार जाङ जिहानमाथि वुहानको कोरोना अवस्थाबारे विभिन्न समाचारको माध्यममा झुठो खबर सम्प्रेषण गरेको आरोप लगाइएको छ।

समाचार लेखेर पक्राउ परेकी भएपनि उनीमाथि झगडा गराउने कार्यमा संलग्न भएको साथै समस्यालाई निम्त्याउन भूमिका खेलेको भन्ने आरोपहरु पनि लागेका छन्।

जाङ जिहान गत फेब्रुअरीमा वुहान पुगेकी थिइन्। नेटवर्क अफ चाइनिज ह्युमन राइट्स डिफेन्डर सीएचआरडीका अनुसार उनले वुहानबाट कोरोना प्रकोपबीच पत्रकारलाई समाचार लेख्नबाट बन्चित गरेको साथै पत्रकारलाई नजरबन्दमा राखेको विषयमा थुप्रै समाचार लेखेकी थिइन्।

मे १४ मा उनी वेपत्ता भएकी थिइन्। पछि उनलाई सांघाई प्रहरीले गिरफ्तार गरेको विषय सार्वजनिक भएको थियो।

हाल आफूलाई जेल हाल्ने विषयमा उनले विरोध स्वरुप अनसन बसेको बताइएको छ। खाना खानै नमानेका कारण उनको स्वास्थ्य अवस्था नाजुक बन्दै गएको बीबीसीले जनाएको छ।

प्रतिक्रिया :

भर्खरै प्रकाशित

एमसीसी जस्ताको त्यस्तै पास गर्ने पक्षमा छैनौं : नारायणकाजी श्रेष्ठ

पोखरा, ११ मंसिर । नेकपा माओवादी केन्द्रका नेता नारायणकाजी श्रेष्ठले अमेरिकी मिलेनियम च्यालेञ्ज कर्पोरेसन (एमसीसी) जस्ताको त्यस्तै पास गर्ने पक्षमा आफ्नो पार्टी नरहेको बताएका छन् ।…

सौराहामा एमाले महाधिवेशनको बन्द सत्र शुरु

चितवन, ११ मंसिर । नेकपा (एमाले) को १० औं राष्ट्रिय महाधिवेशन अन्तर्गतको बन्द सत्र सचितवन सौराहामा शुरु भएको छ । निर्धारित समयभन्दा धेरै ढिलो गरी बन्द…

पछिल्लो २४ घण्टामा २१३ मा कोरोना संक्रमण, ३१५ जना निको,…

काठमाडौं, ११ मंसिर । नेपालमा पछिल्लो २४ घण्टामा २१३ जनामा कोरोना भाइरस संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार देशभर ६,६३२ नमुना परीक्षण…

प्रदेशहरूले विकास खर्च गर्न सकेनन्

काठमाडौं, ७ मंसिर । संघीय सरकारको विकास खर्च ५ प्रतिशतको हाराहारीमा रहेका बेला प्रदेश सरकारहरूको पूँजीगत खर्च पनि पहिलो त्रैमासमा कमजोर देखिएको छ । सिंहदरबारको अधिकार…

एमसीसी संशोधनपछि मात्र पास हुन्छ : गिरिराजमणि

सिरहा, ७ मंसिर । नेकपा (माओवादी केन्द्र) का स्थायी समिति सदस्य गिरिराजमणि पोखरेलले अमेरिकी सहयोग अन्तर्गतको मिलेनियम च्यालेन्ज कर्पोरेशन (एमसीसी) संशोधनपछि मात्र पास गर्ने बताएका छन्…