प्रधानमन्त्री कप महिला क्रिकेटमा लुम्बिनी प्रदेशको लगातार दोस्रो जित

प्रधानमन्त्री

काठमाडौं, पुस १२ ।प्रधानमन्त्री कप महिला क्रिकेट प्रतियोगितामा लुम्बिनी प्रदेशले लगातार दोस्रो जित निकालेको छ। हुस्सुका कारण खेल निर्धारित समयमा सुरु हुन नसक्दा १३ ओभरमा छोट्याइएको थियो।

दाङको देउखुरीस्थित लमही क्रिकेट मैदानमा आज भएको खेलमा लुम्बिनीले कर्णाली प्रदेशलाई विकेटले पराजित गर्दै सेमिफाइनल नजिक पुगेको छ। जितका लागि ३५ रनको झिनो लक्ष्य लुम्बिनीले ३ दशमलव १ ओभरमा १ विकेट गुमाउँदै भेट्टायो।

लुम्बिनीकी नेरी थापाले ९, गीता गोसाईले ४ र सरस्वती घर्तीमगरले ३ रन जोडे।

कर्णालीकी अन्जु गुरुङले एक विकेट झारिन्। त्यसअघि टस जितेर पहिला ब्याटिङ गरेको कर्णालीले निर्धारित १३ ओभरमा ६ विकेट गुमाउँदै ३४ रनको योगफल तयार पारेको थियो। दीक्षा पुरीले सर्वाधिक ८ रनको योगदान दिएको खेलमा अंशु शाक्य ७ रनमा अविजित रहिन्।

ओपनर मोनिका राना र तिर्सना विश्वकर्माले समान २ रन जोडे। कप्तान लक्ष्मी रिमाल २ तथा अन्जु गुरुङ १ रन जोडे।

कर्णालीलाई कम स्कोरमा समेट्न लुम्बिनीकी सुस्मिता भुषालले ३ ओभरमा २ मेडन राख्दै १ रन खर्चिन्। कप्तान नेरी थापाले २ तथा सरिता जिसी र गिता गोसाईले समान १ विकेट झारे।

लगातार दोस्रो हार व्यहोरेको कर्णालीको समूहबाट बाहिरिन औपचारिकता मात्र बाँकी छ। पहिलो खेलमा कर्णाली एपिएफसँग २ सय ४ रनको फराकिलो अन्तरले पराजित भएको थियो। लुम्बिनीले भने पहिलो खेलमा प्रदेश २ लाई ९ विकेटले पाखा लगाएको थियो।

आजै हुने दोस्रो खेलमा विभागीय एपिएफ र प्रदेश २ भिड्दै छन्।

प्रतिक्रिया :

भर्खरै प्रकाशित

एमसीसी जस्ताको त्यस्तै पास गर्ने पक्षमा छैनौं : नारायणकाजी श्रेष्ठ

पोखरा, ११ मंसिर । नेकपा माओवादी केन्द्रका नेता नारायणकाजी श्रेष्ठले अमेरिकी मिलेनियम च्यालेञ्ज कर्पोरेसन (एमसीसी) जस्ताको त्यस्तै पास गर्ने पक्षमा आफ्नो पार्टी नरहेको बताएका छन् ।…

सौराहामा एमाले महाधिवेशनको बन्द सत्र शुरु

चितवन, ११ मंसिर । नेकपा (एमाले) को १० औं राष्ट्रिय महाधिवेशन अन्तर्गतको बन्द सत्र सचितवन सौराहामा शुरु भएको छ । निर्धारित समयभन्दा धेरै ढिलो गरी बन्द…

पछिल्लो २४ घण्टामा २१३ मा कोरोना संक्रमण, ३१५ जना निको,…

काठमाडौं, ११ मंसिर । नेपालमा पछिल्लो २४ घण्टामा २१३ जनामा कोरोना भाइरस संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार देशभर ६,६३२ नमुना परीक्षण…

प्रदेशहरूले विकास खर्च गर्न सकेनन्

काठमाडौं, ७ मंसिर । संघीय सरकारको विकास खर्च ५ प्रतिशतको हाराहारीमा रहेका बेला प्रदेश सरकारहरूको पूँजीगत खर्च पनि पहिलो त्रैमासमा कमजोर देखिएको छ । सिंहदरबारको अधिकार…

एमसीसी संशोधनपछि मात्र पास हुन्छ : गिरिराजमणि

सिरहा, ७ मंसिर । नेकपा (माओवादी केन्द्र) का स्थायी समिति सदस्य गिरिराजमणि पोखरेलले अमेरिकी सहयोग अन्तर्गतको मिलेनियम च्यालेन्ज कर्पोरेशन (एमसीसी) संशोधनपछि मात्र पास गर्ने बताएका छन्…