सियोना बचाउ अभियानमा शिशिर भन्डारीले गरे १० लाख ५६ हजार बढी रकम हस्तान्तरण

ईटहरी, मङ्सिर २८ ।ईटहरी/ १३ महिनाकी बालिका सियोना श्रेष्ठको उपचारका लागि नेपाली सेलिब्रेटीहरुले पनि आफ्नो तर्फबाट सकेको आर्थिक सहयोग गरिरहेका छन् । विश्वमा छरिएर रहेका नेपालिहरुले दिल खोलेर आर्थिक सहयोग गरिरहेको अवस्थामा मोडल, सन्चारकर्मी तथा समाजसेवी शिशिर भन्डारीले पनि आर्थिक सहयोग हस्तान्तरण गरेका छन् । सियोना बचाउका लागि उनले अभियान चलाएका थिए । सो अभियानबाट संकलन भएको १० लाख ५६ हजार ४५० रुपैया हस्तान्तरण गरेका हुन् । सो रकम उनले नया नया न्युज नेपालको स्टुडियोबाटै सियोनाको मामा भिम राज तामाङलाई हस्तान्तरण गरेका हुन् ।

उनले सो रकम सियोनाको सहयोगको लागि खोलिएको बैक अफ काठमाण्डुको खातामा जम्मा गरिसकिएको पनि जानकारी गराएका छन् । यस्तै यसअघि पछिल्लो समयकी चर्चित गायिका रचना रिमालले पनि सियोनाको जीवन रक्षाको कामना गर्दै आर्थिक रकम सहयोग गरिसकेकि छन् । उनले आफ्नो ब्यक्तिगत तर्फबाट २० हजार सहयोग गरेकि थिइन् । सियोनाको उपचारका लागि २५ करोड रुपैयाँ आवश्यक पर्छ । जसमध्ये १५ करोड ३१ लाख भन्दा बढी रकम संकलन भैसकेको सियोनाको बुवा सन्दिप श्रेष्ठले हामिलाई बताए ।


यसअघि फ्यानक्लबको सहायतामा आकाश श्रेष्ठले १ लाख १७ हजार नेपाली सहयोग गरेका थिए भने गायक नितेश जंग कुवरले पनि सियोनालाई आर्थिक सहयोग गरेका छन् । उनले २५ हजार नेपाली रुपैयाँ सहयोग गरेका थिए भने अभिनेता पल शाह र उनको परिवारको तर्फबाट दशै दक्षिणा स्वरुप १ लाख नगद हस्तान्तरण गरेका थिए । दशै दक्षिणा स्वरुप नै अभिनेत्री नम्रता सापकोटा र उनको परिवारले पनि सहयोग गर्ने घोषणा गरेका थिए । तर, उनले गरिन गरिनन् त्यसको यकिन भने भएको छैन । त्यस्तै अभिनेत्री आचल शर्माले पनि सहयोग गर्ने इच्छा ब्यक्त गर्दै सियोनाको आमा एलिनालाई म्यासेज गरेकी थिइन् । तर, त्यसपश्चात् उनले पनि त्यो कुरालाई बिर्सिन वा सहयोग सार्बजनिक गरिनन् । यसबारे सियोनाको बुवासंग बुझ्दा उनले सहयोग गरेको कुरा आधिकारिक रुपमा जानकारी नआएको बताए ।


यस्तै अभिनेत्री वर्षा राउतले पनि ३० हजार, गायक बुद्ध लामाले १० हजार, हास्यकलाकार कुमार कट्टेलले १० हजार आर्थिक रकम सहयोग पहिले नै गरिसकेका छन भने परमिताले ईन्स्टाग्राममा अनलाईन स्टोर नै चलाईरहेकी छन् । जहाँ बिक्री भएर आएको रकम सियोनाको उपचारमा खर्च हुनेछ । त्यस्तै अभिनेत्री करिष्मा मानन्धरले पनि सहयोग गरेको बताएकी छिन् । उनले केही अघि फेसबुकमा एक स्ट्याटस लेख्दै अभिनेत्री परमिता आरएल रानाले सुरु गरेको अभियान मार्फत सहयोग गरेको लेखेकी थिइन् । यता बेलायतमा बसेर कलाकारितासँगै भ्लगिङ र ढाका व्यवसाय गरिरहेकी कलाकार तथा युट्यूवर सृजना निङ्लेकुले  आफ्नी छोरी राशी लिम्बुको ८ औं जन्मदिन तथा युट्यूव च्यानलले ७५ हजार सब्स्क्राइबर्स पूरा गरेको अवसर पारेर सियोनाको उपचारका लागि ७५ हजार रुपैयाँ सहयोग गरेकी हुन् ।

सियोनाको उपचार नेपालमा सम्भव नहुने र उपचार गर्न २५ करोडको हाराहारीमा खर्च लाग्ने भएपछि सियोनाको बुवाआमा यतिबेला सहयोग अपिल गरिरहेका छ । आफ्नो छोरीको जीवन रक्षाको निम्ति सबै सेलिब्रेटिहरुलाई सकेको आर्थिक सहयोग गर्न सियोनाको अभिभावकले गरिरहेका छन् । छोटो समयमा धेरै पैसा संकलन भएको छ तर, सियोनाको उपचारको लागि यो रकम धेरै नै कम हो । त्यसैले अझै सहयोगको जरुरत छ । सियोनलाई जन्मजात वंशानुगत लाग्ने रोग स्पाईनल मुस्कुलर थेरापी-एसएमई-१ (SPINAL MUSCULAR ATROPHY (SME-1) रोग लाग्यो । जुन रोगका कारण बच्चाको अंगहरुले काम नगर्ने, विस्तारै सबै सुक्दै जाने र मृत्युसम्म हुने जस्ता लक्षण देखिन्छ ।

जस्का कारण यतिबेला मृत्यु जित्न संघर्ष गरिरहेकी सियोनाको जीवन रक्षाको कामना गर्दै देशबिदेशमा रहेका आम नेपाली तथा सेलिब्रेटिहरुले पनि सहयोग गरिरहेका हुन् । सियोनको उपचार २ वर्ष उमेर भित्रमा गरिसक्नुपर्ने छ । तर, जति चाडो गर्यो त्यति राम्रो हुने हस्पिटलले बताएको छ । यो रोगको उपचार नेपालमा सम्भव नभएपछि छोरिका साथमा सन्दिप दम्पती झन्डै डेढ महिनादेखी पोल्यान्डमा छन् । यतिबेला अभियानलाई अझै प्रभावकारी बनाउन फेसबुकमा पब्लिक ग्रुप नै बनेको छ । सियोनालाई सहयोग गर्न अनलाइन, बैंक एकाउन्ट र ए-सेवा एकाउन्ट रहेको छ ।

जहा सहयोगीदाता आफुले चाहेको रकम पठाउन सक्नेछन् । बैंकमा सहयोग रकम पठाउनको लागि सियोना श्रेष्ठ (Siyona Shrestha) नाममा बैंक अफ काठमाडौ (Bank of Kathmandu) को परासी ब्रान्च (Parasi branch) मा एकाउन्ट खोलिएको छ । जस्को एकाउन्ट नम्बर 206500000031524 रहेको छ । यस्तै, ईसेवाबाट आर्थिक सहयोग गर्नको लागि 9816457809 र 9847206466 आईडी प्रयोग गर्दै सियोना बचाउ अभियानमा साथ दिन सक्नुहुनेछ छ भने www.gofoundme.com मार्फत पनि सहयोग रकम पठाउन सकिनेछ । डिथ्री अनलाइन सियोनको जीवन रक्षाको कामना गर्दछ ।

प्रतिक्रिया :

भर्खरै प्रकाशित

चाडबाडले आउजाउ बढ्यो, गाउँमा संक्रमण फैलिने जोखिम

काठमाडौं, २७ असोज । चाडपर्वसँगै कोरोना भाइरस सङ्क्रमणको जोखिम पनि गाउँघरमा हुने भएको छ । चाडपर्व मनाउनमा गाउँघर र बजारमा मानिसको बढ्दो भीडसँगै कोरोना सङ्क्रमणको जोखिम…

कोरोना भाइरसको उत्पत्तिबारे अनुसन्धान गर्न डब्लूएचओद्वारा कार्यदल गठन

काठमाडौं, २८ असोज । विश्व स्वास्थ्य संगठन(डब्लूएचओ)ले कोभिड–१९ को उत्पत्ति पत्ता लगाउन कार्यदल गठन गरेको छ । साइन्टिफिक एड्भाइजरी ग्रुप अफ द ओरिजिन्स अफ नोभल पाथोजेन्स…

फाइनल नेपालका लागि मेरो अन्तिम खेल हुनेछ : अल्मुताइरी

काठमाडौं, २८ असोज । नेपाली फुटबल टोलीका मुख्य प्रशिक्षक अब्दुल्लाह अल्मुताइरीले साफ च्याम्पियनसीपको फाइनलपछि नेपाल नफर्किने बताएका छन् । आफूले यस अघि नै राजीनामा दिइसकेको बताउँदै…

उत्तर कोरियाका बालबालिका र ज्येष्ठ नागरिकहरू ‘भोकमरीको जोखिममा’

काठमाडौं, २८ असोज । संयुक्त राष्ट्रसंघका एक विज्ञले उत्तर कोरियाका कमजोर बालबालिका र ज्येष्ठ नागरिकहरू भोकमरीको जोखिममा रहेका बताएका छन् । उत्तर कोरियाको लागि मानव अधिकार…

नक्कली नोटको कारोबार : दुई जना पक्राउ परेपछि थप पाँच…

धनकुट्टा, २८ असोज । जिल्ला प्रहरी कार्यालय धनकुटाले नक्कली नोटको कारोबारमा संलग्न सात जनाको समूहलाई पक्राउ गरेको छ । असोज ११ गते धनकुटाकै मूलघाटबाट २८ हजार…