भविष्य सूचक मानिएको दोलखाको भीमेश्वरको शिलामा पसिना आएपछि क्षमापूजा गरियो (तस्वीर)

दोलखा, २७ मंसिर । दोलखास्थित प्रख्यात भीमेश्वर मन्दिरको शिलामा गत मंसिर ९ गते पसिना आएपछि मुलुक र जनतालाई अनिष्ट नहोस भन्दै क्षमापूजा गरिएको छ ।

साक्षात भविष्य सूचककोरुपमा मानिने दोलखा स्थित प्रसिद्ध भीमेश्वर मन्दिरको शिलामा पसिना आएपछि राष्ट्रपति, भीमेश्वर मन्दिर गुठी तथा पूजा व्यवस्थापन समिति र सर्वसाधारणको तर्फबाट क्षमापूजा गरिएको हो ।

दोलखा

 

राष्ट्रपति कार्यालयबाट पठाइएको २ वटा बोका, भीमेश्वर मन्दिर गुठी तथा पूजा व्यवस्थापन समिति र स्थानीय सर्वसाधारणको तर्फबाट २ वटा बोका तथा नेपाली सेनाका प्रधान सेनापतिले पठाएको १ वटा बोका गरी ५ वटा वलि पूजा सहित क्षमापूजा गरिएको छ । क्षमापूजा को क्रममा १३ जना पण्डितबाट हवन यज्ञ तथा एघार आर्वत्ती लघुरुद्री गरिएको छ ।

सरकारका तर्फबाट प्रमुख लिल्ला अधिकारी रमेशप्रसाद शिवाकोटी, जिल्ला प्रहरी कार्यालय दोलखाका इन्स्पेक्टर अञ्जन कोइराला, नेपाली सेना तारादल गणका गणपति प्रमुख सेनानी अनिल केसी, भीमेश्वर मन्दिर गुठी तथा पूजा व्यवस्थापन समितिका अध्यक्ष भरतबहादुर श्रेष्ठ तथा भीमेश्वर नगरपालिका वडा नंं. २ का अध्यक्ष विराजमान श्रेष्ठले लघुरुद्री संकल्प गरेका थिए ।

 

भीमेश्वरको शिलामा पसिना आएपछि सो कपास पुछिएको कपास महाप्रसादको रुपमा राष्ट्रप्रमुखलाई पठाएसँगै राष्ट्रप्रमुखले क्षमापूजा गर्ने चलन छ ।
दोलखा भीमसेनमा पसिना आएको यो १९ औं पटक हो ।

पछिल्लो कालखण्डमा वि.सं. १९९०, १९९७, २००७, २०१७, २०१९, २०२६, २०२८, २०३६, २०४५, २०४६ २०५७, २०६३, २०७०, २०७१, २०७४, २०७६ र २०७७ सालमा भीमसेनको मूर्तिमा पसिना आएको थियो ।

दोलखा

 

त्यस समयको आसपासमा भएका विभिन्न ठूला राजनीतिक परिवर्तन, प्राकृतिक विपत र अन्य दुःखदायी घटनाहरुलाई भीमसेनको पसिनाले पूर्वसंकेत गर्ने जनविश्वास रहि आएको छ ।

 

 

 

प्रतिक्रिया :

भर्खरै प्रकाशित

२० देशमा भेटियो कोरोनाको नयाँ भेरियन्ट ‘ओमिक्रोन’, नेपालमा पनि थालियो…

काठमाडौं, १५ मंसिर । कोरोना भाइरसको नयाँ भेरियन्ट विश्वका विभिन्न २० देशमा देखिएको रिपोर्ट बाहिर आएको छ । दक्षिण अफ्रिकामा सबैभन्दा पहिला रिपोर्ट भएको यो भेरियन्टका…

सर्वोच्चमा आजदेखि गोलाप्रथा

काठमाडौं, १५ मंसिर । सर्वोच्च अदालतमा आज (बुधबार) देखि गोलाप्रथा प्रणाली कार्यान्वयन हुँदैछ । प्रधानन्यायाधीशको विशेषाधिकार अन्त्य गर्दै न्यायाधीशले नै गोला तानेर इजलास र पेसी तोक्ने अभ्यास…

प्रहरी नियमावली संशोधन : एकै पटक साढे १७ हजार प्रहरीको…

काठमाडौं, १५ मंसिर । प्रहरी नियमावली संशोधन गरेर सिर्जना गरिएका वरिष्ठ सइ, वरिष्ठ हवल्दार र सहायक हवल्दार पदमा एकैपटक १७ हजार पाँच सय १७ प्रहरी बढुवा…

एमसीसी जस्ताको त्यस्तै पास गर्ने पक्षमा छैनौं : नारायणकाजी श्रेष्ठ

पोखरा, ११ मंसिर । नेकपा माओवादी केन्द्रका नेता नारायणकाजी श्रेष्ठले अमेरिकी मिलेनियम च्यालेञ्ज कर्पोरेसन (एमसीसी) जस्ताको त्यस्तै पास गर्ने पक्षमा आफ्नो पार्टी नरहेको बताएका छन् ।…

सौराहामा एमाले महाधिवेशनको बन्द सत्र शुरु

चितवन, ११ मंसिर । नेकपा (एमाले) को १० औं राष्ट्रिय महाधिवेशन अन्तर्गतको बन्द सत्र सचितवन सौराहामा शुरु भएको छ । निर्धारित समयभन्दा धेरै ढिलो गरी बन्द…