सुस्ताउन थाल्यो सेयर कारोबार

share

काठमाडौं । सेयर बजारको कारोबार सुस्ताउन थालेको छ । अघिल्लो हप्ता दैनिक ८ अर्बभन्दा बढी औसत कारोबार रहेको बजारमा यो साता ४ अर्ब भन्दा कम कारोबार भएको हो ।

यो साता नेपाल स्टक एक्सचेञ्जमा १८ अर्ब २ करोड रुपैयाँको कारोबार भएको छ । अघिल्लो साता यस्तो कारोबार ४० अर्ब ९८ करोड रुपैयाँ बराबरको थियो । यो  साताको कारोबार रकम अघिल्लो साताको भन्दा ५६.०३ प्रतिशत कम रहेको नेपाल स्टक एक्सचेञ्जले जनाएको छ ।

यसरी कारोबार रकम घट्नुमा नेप्सेको उतारचढाव प्रमुख कारण रहेको विश्लेषकहरुको भनाई छ । बजार उच्च रुपमा बढ्दै जाँदा लगानीकर्ताको मनोबल उच्च हुन्छ । यस्तो अवस्थामा अझै बढ्ने अपेक्षासहित लगानीकर्ता लगानी गर्न तयार हुन्छ ।

उता बजार घट्दा लगानीकर्तामा मनोविज्ञान नकारात्मक हुन्छ । बजार अझै घट्ने भयले त्योबेला घटेकै मूल्यमा बजारमा सेयको आपूर्ति बढ्न थाल्छ । यसले कारोबारलाई माथि पुर्याउँछ । तर यो साता बजारमूल्यमा धेरै घटबढ नभएकोले बजारको कारोबार घट्न पुगेको हो ।

यो साता नेप्से परिसूचक करिब ९१ अंकले घटेको छ । अघिल्लो साता २ हजार ५५ अंक रहेको बजार यो साता १ हजार ९ सय ६४ विन्दुमा झरेको छ । पहिलो दिन आइतबार नकारात्मक १ सय २३ अंक घटेर नकारात्मक सर्किट लागेको बजारमा दोस्रो दिन करिब ८२ अंकले बढेको थियो । त्यसपछि भने बजार स्थिर देखिएको छ ।

बजार परिसूचक घटेसँगै यो साता बजार पुँजीकरण पनि घटेको छ । अघिल्लो साता २७ खर्ब ५५ अर्ब रहेको बजार पुँजीकरण यो साता घटेर २६ खर्ब ३३ अर्ब रुपैयाँमा झरेको हो ।

यो साता पनि अघिल्लो साताजस्तै नेपाल पुनर्बीमा कम्पनीको सेयर कारोबार सर्वाधिक भएको छ । सो कम्पनीको २ अर्ब ५६ करोडको सेयर किनबेच भएको थियो । त्यस्तै, नेपाल लाइफको १ अर्ब २९ करोडको कारोबार हुँदा नेपाल टेलिकमको ७९ करोडको कारोबार भएको छ ।

बजारको ठूला कम्पनीको सूचीमा साता कुनै फेरबदल भएको छैन । पहिलो नम्बरमा १ खर्ब ७७ अर्ब रुपैयाँको पुँजीकरणसहित नेपाल टेलिकम कायम रहँदा दोस्रोमा १ खर्ब ५४ अर्बसहित नेपाल पुनर्बीमा कम्पनी रहेका छन् । त्यस्तै, नबिल बैंकको १ खर्ब १२ अर्ब तथा नेपाल लाइफ इन्स्योरेन्सको १ खर्ब ४ अर्ब रुपैयाँ बजार पुँजीकरण रहेको छ ।

प्रतिक्रिया :

भर्खरै प्रकाशित

यी चार प्रदेशमा ठूलो वर्षाको सम्भावना, पहाडी र हिमाली क्षेत्रमा…

काठमाडौँ – आज प्रदेश १, प्रदेश २, बागमती, र गण्डकी प्रदेशका एक दुई स्थानमा ठूलो वर्षाको सम्भावना रहेको छ। मौसम पूर्वानुमान महाशाखाकाअनुसार हाल प्रदेश १,…

शिक्षक सेवा आयोगको नियमावली संशोधन प्रस्ताव ल्याउन निर्देशन

कात्तिक ३, काठमाडौँ । शिक्षा, विज्ञान तथा प्रविधिमन्त्री देवेन्द्र पौडेलले शिक्षक सेवा आयोगको नियमावली, २०५७ (नवौँ संशोधन), २०७१ मा आवश्यक संशोधन गरी शिक्षक पदपूर्तीको प्रक्रिया…

राप्रपा लुम्बिनी प्रदेशद्वारा कृषकलाई तत्काल क्षतिपूर्ति दिन माग

कार्तिक ३, बुटवल । लगातारको वर्षाले धानबालीमा भएको क्षति पुगेकोले राष्ट्रिय प्रजातन्त्र पार्टी (राप्रपा) लुम्बिनी प्रदेशद्वारा कृषकलाई तत्काल क्षतिपूर्ति दिन माग गरेको छ । कृषकलाई…

ट्वान्टी-२० विश्वकप :बंगलादेशले ओमानलाई २६ रनले हरायो

कार्तिक ३, काठमाडौँ । बंगलादेशले मंगलबार आयोजक ओमानलाई २६ रनले पराजित गर्दै ट्वान्टी–२० विश्वकपको सुपर १२ मा पुग्ने आशा जीवितै राखेको छ । विजय हात पार्न…

दुई महिनामै २१.५ प्रतिशत घट्यो सेयर

कार्तिक ३, काठमाडौँ । काठमाडौँ — गत भदौ २ मा सेयर कारोबार मापक नेप्से परिसूचक हालसम्मकै उच्च अंक ३ हजार १ सय ९८ मा पुग्यो ।…