नेकपा विवाद फेरि स्थायी कमिटीमा प्रवेश गर्दै, ओलीको इच्छाविपरीत आज बैठक बस्दै

काठमाडौं, मङ्सिर २१ ।सत्तारूढ दल नेपाल कम्युनिस्ट पार्टी (नेकपा) भित्रको विवाद ३ महिना पनि नपुग्दै फेरि स्थायी कमिटीमा प्रवेश गर्दै छ।

प्रधानमन्त्री तथा अध्यक्ष केपी शर्मा ओलीको अहसमति हुँदाहुदै आज (आइतबार) स्थायी कमिटीको बैठक बस्न लागेको हो।

शनिबार बालुवाटारमा भएको सचिवालयको बैठकमा ओलीले औपचारिक तथा अनौपचारिक वार्ताका लागि स्थायी कमिटी बैठक १५ दिन पर सार्न प्रस्ताव गरेका थिए।

तर बैठकले अस्वीकार गर्दै पहिले तोकिएकै मिति र स्थानमा स्थायी कमिटी बैठक राख्न लागेको हो।

ओली अनुपस्थित मंगलबारको सचिवालय बैठकले यही मंसिर १८ गतेका लागि तोकिएको स्थायी कमिटी बैठक आज २१ गतेका लागि सारेको हो।

‘दिउँसो १ बजे बैठक बस्ने जानकारी केन्द्रीय कार्यालयले गराएको छ,’ स्थायी कमिटीका सदस्य सत्यनारायण मण्डलले नेपालखबरसँग भने, ‘बैठकमा जाउँ। कसरी अघि बढ्छ, त्यहीं पुगेपछि थाहा हुन्छ।’

धुम्बाराहीस्थित केन्द्रीय कार्यालयमा बस्ने पहिलो दिन (आइतबार) को स्थायी कमिटी बैठकमा दुवै अध्यक्ष (ओली-प्रचण्ड) का प्रस्ताव र एकलेअर्कालाई लेखेका चिठ्ठी स्थायी कमिटी सदस्यले औपचारिक रूपमा प्राप्त गर्ने छन्।

त्यसपछि अर्काे बैठक बिहीबार मात्रै बस्नेछ।

आजको बैठकमा पत्र र राजनीतिक प्रस्ताव प्रस्तुत हुनेछन् र अध्ययनका लागि सदस्यले समय प्राप्त गर्नुहुनेछ,’ एक नेताले नेपालखरसँग भने, ‘तीन दिनको समय दिएर अर्को बैठक मंसिर २५ गते बस्ने तयारी छ। जसका कारण केन्द्रीय कमिटीको बैठक केही पछि सर्नेछ।’

गत वैशाखमा नेकपाभित्रको विवाद सतहमा आएको थियो र असारमा सुरु स्थायी कमिटीको बैठकमा पुग्दा त्यसले उग्र रूप लिएको थियो।

स्थायी कमिटीको बैठकमा दुवै अध्यक्षले एकअर्कालाई लेखेका पत्र र सचिवालयका बैठकमा प्रस्तुत गरेका फरक-फरक राजनीतिक प्रस्ताव स्थायी कमिटीको बैठकमा जानेछन्।

प्रतिक्रिया :

भर्खरै प्रकाशित

सिटीजन्स बैंक लुटपाट घटना: यसरी बन्यो बैंक लुट्ने योजना

कार्तिक १, विराटनगर।  व्यवसायी श्याम मुखियाले करिब ५ वर्ष अगाडि १० लाख रुपैयाँ ऋण लिएर विराटनगर–६ मा गार्मेन्टको कारोबार सुरु गरे । तर, व्यवसाय राम्ररी नचलेपछि…

राष्ट्रिय क्रिकेट टोलीको मुख्य प्रशिक्षकका लागि आवेदन खुला

काठमाडौँ — नेपाल क्रिकेट संघ(क्यान)ले नेपाली राष्ट्रिय क्रिकेट टोलीको मुख्य प्रशिक्षकका लागि आवेदन खुला गरेको छ । सोमबार क्यानले नेपाली राष्ट्रिय टोलीको मुख्य प्रशिक्षकका लागि आवेदन…

पाल्पामा आयुर्वेद सेवा लिने बढ्दै

रामपुर (पाल्पा), असोज ३१ गते । पाल्पामा आयुर्वेद औषधि सेवा लिने बिरामी बढ्दैछन् । ग्याष्ट्रिक, पेट दुख्ने, खान नरुच्ने जस्ता समस्या भएका बिरामीहरु आयुर्वेद औषधालयमा…

टी–२० विश्वकपको सातौँ संस्करण आजदेखि सुरु हुदै

काठमाडौँ, अशोज ३१ । सातौँ आईसीसी टी–२० विश्वकप आज देखि सुरु हुँदैछ । क्वालिफायर राउन्ड अन्तरगत आज दुई खेल हुनेछन् । समूह बी अन्तरगत ओमान…

चाडबाडले आउजाउ बढ्यो, गाउँमा संक्रमण फैलिने जोखिम

काठमाडौं, २७ असोज । चाडपर्वसँगै कोरोना भाइरस सङ्क्रमणको जोखिम पनि गाउँघरमा हुने भएको छ । चाडपर्व मनाउनमा गाउँघर र बजारमा मानिसको बढ्दो भीडसँगै कोरोना सङ्क्रमणको जोखिम…