सुटरलाई एकलाख रुपैयाँको सुपारी दिएर बाबुले नै छोरीको हत्या गराएको खुलासा

छोरी
siddhartha wheel mart

जनकपुरधाम, मंसिर १६ ।रौतहटहमा आफ्नै बुबाले सुटरलाई एक लाख रुपैयाँ तिरेर छोरीको हत्या गरेको खुलासा भएको छ।

गएको कात्तिक २६ गते माधवनारायण नगरपालिका ७ लौकाहा बस्ने रामअयोध्या साह तेलीकी छोरी १७ वर्षीया अमृताकुमारी साहको आफ्नै घरमा सुतिरहेका बेला कञ्चटमा गोली हानी हत्या गरिएको थियो ।अमृता पतिसँग सम्बन्धविच्छेदपछि आमाबुबाकै साथमा बस्दै आएकी थिइन्। पछिल्लो समय उनी प्रेममा परेको प्रहरीको भनाइ छ। छोरीले भागेर बिहे गरे आफ्नो इज्जत जाने ठानेर बुबा राअयोध्याले हत्या गराएको प्रहरी अनुसन्धानबाट खुलेको छ।

छोरीको हत्याका लागि रामअयोध्याले सुटरलाई एक लाख रुपैयाँको सुपारी दिएको खुलासा भएको छ।हत्याको घटनामा प्रहरीले ५५ वर्षीय रामअयोध्यासहित ६ जनालाई पक्राउ गरी आइतबार सार्वजनिक गरेको छ।हत्यामा संलग्न भएको आरोपमा आमा सतादेवी साह, देवाही गोनाही नगरपालिका २ लक्ष्मिनीया करुनिया बस्ने ६० वर्षीय शेख अलियास, ४० वर्षीय बहुल भन्ने ईस्लाम अन्सारी, वर्ष ३६ का शेख इम्तियाज र परोहा नगरपालिका ४ वस्ने ४६ वर्षीय छोटेलाल साहलाई प्रहरीले पक्राउ गरेको हो।

aawash steels

किन बुनियो अमृताको हत्याको जालो?
मृतक अमृताको तीनवर्ष अघिदेखि गाउँकै ३० वर्षीय थारु भन्ने सोसिन्द्रप्रसाद भगतसंग प्रेमसम्बन्ध थियो। तर परिवारजनले भगतसंगको प्रेम अस्वीकार गरी दबाब दिएर २०७६ फागुनमा सर्लाहीको विष्णुपुर गाउँपालिका ३ बस्ने मानकी साहको छोरा रुपेश साहसंग अमृताको मागीविवाह गरायो।

तर, अमृतासँग विवाहपछि रुपेश साहमाथि छुरा प्रहार गरी ज्यान मार्ने प्रयास भयो। त्यसपछि अमृता माइत फिर्ता आएकी थिइन्। रुपेश र अमृताबीच असार २०७७ मा सम्बन्ध बिच्छेद भएको थियो।

super kinetic courier

सम्बन्धविच्छेद पश्चात छुरा प्रहार गरेको विषयमा रुपेशको घरपरिवारबाट अमृता र उनकी प्रेमी सोसिन्द भगतमाथि ज्यान मार्ने उद्योगमा जिल्ला प्रहरी कार्यालय सर्लाहीमा मुद्दा दर्ता भयो।

त्यसैले अमृताको प्रेमसम्बन्ध सोसिन्दसंग स्वीकार्य नरहेको, सोसिन्द्रसंग छोरी भागे अथवा मुद्दामा पक्राउ परे इज्जत जाने डर, माइतमा छोरी बस्दा समाजको कानेखुसीबाट अपहेलित हुने कारणले बुबा रामअयोध्या साहले अमृताको हत्या बनाउने मनसाय बनाएको प्रहरीको भनाइ छ।

त्यसपछि रामअयोध्याले अर्का ज्वाइँ रौतहटको देवाही गोनाही नगरपालिका लक्ष्मीनिया बस्ने लक्ष्मण साहसंग सल्लाह गरी छोरीको हत्या गर्ने योजना बुने। भिनाजु लक्ष्मणले अमृतालाई हत्या गर्न रौतहटको परोहा नगरपालिका ४ वस्ने ४६ बर्षियको छोटेलाल साहलाई १ लाख ५० हजार रुपैयाँ दिई भारतमा लगेर हत्या गर्ने जिम्मा दिए।

गएको कार्तिक ९ गते महानवमीका दिन अमृतालाई उपचारको बहानामा भारतमा लगेर मार्ने योजना बनाइएको थियो। तर, अमृता भागेर ज्यान बचाउन सफल भइन्।

त्यसपश्चात बुबा रामअयोध्या साह र भिनाजु लक्ष्मण साहले अमृतालाई घरमै सुटर मार्फत गोली प्रहार गरी हत्या गराउन योजना बनाए। जसको लागि देवाही गोनाही नगरपालिका २ लक्ष्मीनिया बस्ने कैमुल देवानलाई एकलाख रुपैयाँ दिएर अमृताको गएको कार्तिक २६ गते बिहान सुतेकै बेला दाहिने कञ्चटमा गोली प्रहार गरी हत्या गरेको कुरा अनुसन्धानबाट खुलेको पत्रकार सम्मेलनमा रौतहटका प्रहरी उपरीक्षक सिद्धिबिक्रम शाहले जानकारी दिए। उनका अनुसार पक्राउ परका अभियुक्तहरुले अपराध स्वीकार गरेका छन्।

उनीहरुमाथि ज्यान मार्ने कसुरमा जिल्ला अदालत रौतहटबाट म्याद थप गरी अनुसन्धान गरिरहेको प्रदेश प्रहरी कार्यालय जनकपुरका प्रवक्ता कृष्ण प्रसाईंले बताए।

प्रतिक्रिया :
NK suppliers

भर्खरै प्रकाशित

प्रहरीद्वारा सम्झना बोहराको हत्या अभियुक्त सार्वजनिक

गुल्मी, २० फागुन । प्रहरीले गुल्मीको भाडगाउँमा युवतीको हत्या अभियोगमा पक्राउ परेका व्यक्तिलाई आज (बिहीबार) सार्वजनिक गरेको छ । रेसुङ्गा नगरपालिका–३ भाडगाँउमा २१ वर्षीया सम्झना बोहराको…

महिला हस्तकला मेला फागुन २२ गतेदेखि हुने

काठमाडौं,फाल्गुन २० । महिला हस्तकला मेला फागुन २२ गतेदेखि हुने भएको छ। नेपाल हस्तकला महासंघ र ललितपुर महानगरपालिकाले संयुक्त रुपमा आयोजना गरिने मेला फागुन २२…

नक्खुमा जिपको ठक्करबाट ज्यान गुमाएकी अन्जु दाहालका आफन्तले शव बुझ्न…

काठमाडौं,फाल्गुन २० । बुधबार बिहान ललितपुरको नक्खुमा जिपको ठक्करबाट ज्यान गुमाएकी अन्जु दाहालका आफन्तले शव बुझ्न अस्वीकार गरेका छन्। दुर्घटनाको उचित छानविन गरी दोषीलाई हदैसम्मको…

भारतमा बनेको कोरोनाविरुद्धको खोप ‘कोभ्याक्सिन’ ८१ प्रतिशत प्रभावकारी

काठमाडौं,फाल्गुन २० ।भारतमा विवादित बनेको कोरोनाविरुद्धको स्वदेशी खोप ‘कोभ्याक्सिन’ अन्तिम चरणकाे परीक्षणकाे सुरुवाती नतिजाका क्रममा ८१ प्रतिशत प्रभावकारी देखिएको छ। औषधि निर्माता कम्पनी भारत बायोटेकले…

ताप्लेजुङको दोभान बजारमा भएको आगलागीका कारण करिब रु ४० करोड…

ताप्लेजुङ,फाल्गुन २० । ताप्लेजुङको दोभान बजारमा भएको आगलागीका कारण करिब रु ४० करोड बराबरको क्षति भएको छ। क्षतिको आधिकारिक विवरण संकलनका लागि मेरिङ्देन गाउँपालिकाका प्रमुख…