प्रेरणाकी खानी ऊनि

कति प्यारो छ है यो `आमा ´शब्द ,जहिले पनि भनिरहुँ अनि सुनिरहुँ लाग्ने । जति यो शब्द प्यारो लाग्छ, त्यति नै आमाको पद पाउनुभएको व्यक्ति पनि एकदमै महत्त्वपूर्ण अनि प्यारो लाग्छ ।जसले हामीलाई यो सुन्दर अनि सर्वव्यापी रुपमा फैलिएको विश्वका ससाना टुक्रामा विभाजित भएका गाउँ ,बस्ती ,सहर र हरेक कुनाकुनालाई नजिकबाट नियालेर हेर्ने मौका प्रदान गर्नुभएको छ। सायद आमाले गर्भावस्थामा भएको, प्रसव पिडा र अनेक थरिका अरु पिडाहरु नभोग्नुभएको भए आज म यो सुन्दर अनि रमणीय बस्तीहरुको दृश्य हेर्न र स्पर्श गर्न असमर्थ हुने थिएँ होला ।अझ विशेष महत्त्वपूर्ण कुरा त म नै हुने थिइनँ होला यो संसारमा । थाहा छैन कसरी कृतज्ञता प्रदान गरुँ मेरी आमालाई, जति नै गरेपनि उहाँको लागि दिने सम्मान ,माया अनि कृतज्ञता जहिले पनि अपूर्ण नै लाग्छ ।

म जब रिसाउँथे अनि झर्केर बोल्थेँ आमासँग तर पनि मेरी आमा म देखि कहिल्यै रिसाउनुभएन ,बरु मलाई सम्झाएर भन्नुहुन्छ रिसाएर त केही हुदैन नानी ,रिसले त मान्छेलाई बिगार्छ त्यसैले नरिसाउ अनि आफ्नो काम पूरा गर्नतिर लाग । अनि भन्नुहुन्छ, “रिस खा आफू ,बुद्धि खा अरु ।”त्यसैले आज पनि म रिसाउँदा आमाले ती सानैमा भन्नुभएको कुरा याद गर्ने गर्छु ।आमा त मेरालागि प्रेरणाको स्रोत मात्र नभएर एउटा भगवानकै रुपमा मलाई सहि बाटोमा हिँडाउन आउनुभएको ममतारुपी महतारी हुन् जस्तो लाग्छ । सायद आमा नहुनुभएको भए आज म यो अवस्थामा आउन सक्ने नै थिइनँ होला । उहाँले मेरो हरेक पाइलामा बुढो मानिसलाई एउटा लट्ठीले सहायता दिएजस्तै गरि साथ दिँदै आउनुभएको छ। जसरी एउटा ढल्न लागेको रुखलाई टेको दिएर अडाइन्छ,त्यसरी नै मेरी आमाले पनि मलाई मेरो हरेक निर्णयमा अडिग हुन र त्यसलाई पूरा गरेरै छाड्न अनि आफ्नो भविष्य उज्ज्वल बनाउन सधैं मेरो समर्थकको रुपमा साथ दिँदै प्रगतिका हरेक पाइलाहरु नअडिकन अगाडि बढाउन मद्दत गर्नुभएको छ।

त्यसैले त मेरा यी कहिल्यै साहित्यतर्फ अगाडि नबढेका कलमहरु पनि आज आमाको बारेमा लेख्न बाध्य भएको छ। आमाले आफुले नखाईकनपनि मलाई खुवाउनुभयो,अनि सानोछँदा भन्नुहुन्थ्यो पहिले तिमी खाऊ ,अनिमात्र म खान्छु ; तिम्ले खाएपछि मेरो पेट आफै भरिन्छ। यस्तो भन्नुहुने आमालाई मैले यो भन्दा पहिले मेरो पढाइको व्यस्तताका कारण समय दिन भ्याएकी थिइनँ। तर आज मलाई आमासँग धेरै समय बिताऊ भनेरै लकडाउन गरिदिएको जस्तो लाग्छ ,त्यसैले आज मसँग फेरि पनि बाल्यकालमा अामासँग बिताएका ती पलहरुलाई याद गरेर आमासँगै खाने ,बस्ने ,मिठामिठा कुराकानी गर्ने अवसर प्राप्त भएको छ। त्यसैले त म घरबाट बाहिर ननिस्किकन आमासँगै बस्ने गर्छु। मौका आउँछ पर्खिदैन,बगेको खोला फर्किदैन भनेजस्तै ,मैले पनि यो अवसर फेरि पछि आउला ,नआउला भनेर अहिले को लकडाउनको अवसरको भरपूर प्रयोग गरेकी छु।

मेरी आमाले जहिले पनि भन्नुहुन्छ ,”मैले त नपढेर दुख पाएँ ,तर म मेरो सन्तानले दुख पाएको हेर्न चाहन्न । त्यसैले म आफू दुख गरेरै भएपनि सन्तानलाई सुख दिन चाहन्छु “। त्यसैले लाग्छ ,आमाको मन कति ठुलो अनि फराकिलो छ। त्यसैले मैले पनि मेरी आमाको जस्तै सोच राख्ने प्रयास गरेकी छु। तपाईंहरु पनि कहिल्यै नसोच्नुस कि मैले आमाबुबालाई वृद्धाश्रममा लगेर राखेँ भने , यो बुढाबुढीको बोझबाट छुटकारा पाउने छु भनेर । किनकि आमाबुबाले पनि त हामी यति धेरै सन्तानलाई कतै बाटोमा वा कसैले नदेख्ने ठाउँमा लगेर छोडदिने अनि बाल आश्रममा लगेर राखिदिने गर्न सक्नुहुन्थ्यो होला तर हामीलाई त त्यस्तो गर्नुभएन नि । किनभने आमाबुबालाई त सन्तान जति धेरै भएपनि कुनै बोझ लाग्दैन ,वल्कि उहाँहरुलाई त सन्तान भनेको भगवानले दिनुभएको एउटा अमूल्य वरदान जस्तै लाग्छ। त्यसैले हामी जतिसुकै धनी,सम्पन्न भएपनि, हामीसँग ठूलाठूला भवन भएपनि आमा बिनाको घर कहिल्यै सम्भव हुँदैन र खुसी रहन पनि सकिदैन । हामीसँग जति नै धेरै धन भएपनि आमालाई कुनै मुल्यमा किन्न सक्दैनौं । तपाईंसँग भएको धनले सम्पूर्ण खुसी,सम्पत्ति अनि दौलत त किन्न सक्नुहुन्छ होला तर तपाईले आमाको मायालाई कुनै पनि मूल्यमा किन्न सक्नुहुन्न ,किनकि आमाको माया अपरम्पार अनि अमूल्य हुन्छ । जुन न त कुनै पैसामा नै बिक्छ न त कुनै लालसामा नै । त्यसैले आफ्नो आमाबुबालाई यो लकडाउनको समयको अलिकति प्रहर पनि खेर नफालीकन भरपूर समय दिएर माया गर्नुस् अनि साथसाथै धेरै सत्कार ,सम्मान र कृतज्ञता प्रकट गर्नुहोस् अनि आफ्नो आमाको प्रिय पात्र बन्न सफल हुनुहोस् ।

जसले गर्दा हरेक आमालाई आफ्नो सन्तानप्रति विस्मात् नभएर सधै नयाँ परिवर्तनको लागि आशाको किरण नजर आउने छ।

जननी जन्मभुमिश्च स्वर्गादपि गरियसी ।।

✍️✍️ -कामना श्रेष्ठ,दोलखा

प्रतिक्रिया :

भर्खरै प्रकाशित

२० देशमा भेटियो कोरोनाको नयाँ भेरियन्ट ‘ओमिक्रोन’, नेपालमा पनि थालियो…

काठमाडौं, १५ मंसिर । कोरोना भाइरसको नयाँ भेरियन्ट विश्वका विभिन्न २० देशमा देखिएको रिपोर्ट बाहिर आएको छ । दक्षिण अफ्रिकामा सबैभन्दा पहिला रिपोर्ट भएको यो भेरियन्टका…

सर्वोच्चमा आजदेखि गोलाप्रथा

काठमाडौं, १५ मंसिर । सर्वोच्च अदालतमा आज (बुधबार) देखि गोलाप्रथा प्रणाली कार्यान्वयन हुँदैछ । प्रधानन्यायाधीशको विशेषाधिकार अन्त्य गर्दै न्यायाधीशले नै गोला तानेर इजलास र पेसी तोक्ने अभ्यास…

प्रहरी नियमावली संशोधन : एकै पटक साढे १७ हजार प्रहरीको…

काठमाडौं, १५ मंसिर । प्रहरी नियमावली संशोधन गरेर सिर्जना गरिएका वरिष्ठ सइ, वरिष्ठ हवल्दार र सहायक हवल्दार पदमा एकैपटक १७ हजार पाँच सय १७ प्रहरी बढुवा…

एमसीसी जस्ताको त्यस्तै पास गर्ने पक्षमा छैनौं : नारायणकाजी श्रेष्ठ

पोखरा, ११ मंसिर । नेकपा माओवादी केन्द्रका नेता नारायणकाजी श्रेष्ठले अमेरिकी मिलेनियम च्यालेञ्ज कर्पोरेसन (एमसीसी) जस्ताको त्यस्तै पास गर्ने पक्षमा आफ्नो पार्टी नरहेको बताएका छन् ।…

सौराहामा एमाले महाधिवेशनको बन्द सत्र शुरु

चितवन, ११ मंसिर । नेकपा (एमाले) को १० औं राष्ट्रिय महाधिवेशन अन्तर्गतको बन्द सत्र सचितवन सौराहामा शुरु भएको छ । निर्धारित समयभन्दा धेरै ढिलो गरी बन्द…