सहचालकलाई गाडी चलाउन दिँदा अनाहकमा गयो तीन जनाको ज्यान : कलंकी दुर्घटना

कार्तिक २७, काठमाडौँ । बिहीबार एकाबिहानै बा ५ ख ८८६५ नम्बरको कुखुरा बोक्ने गाडी कलंकी सडकखण्डमा तीब्र गतिमा हुइँकिदै थियो । गाडीमा चालक र सहचालकसहित पाँजना सवार थिए । सोही क्रममा अचानक बिहानको ३ः२५ बजे कलंकीस्थित मकालु पेट्रोल पम्प अगाडि पार्किङका रोकिराखेको ट्रकमा सो गाडी ठोक्कियो ।

पेट्रोल पम्प अगाडि पार्किङ गरिराखेको बा ३ ख ७५३० नम्बरको ट्रकमा ठोक्किँदा चारजना गम्भीर घाइते भए । घाइतेहरुलाई तत्कालै उपचारको लागि नजिकैको सहिद मेमोरियल अस्पताल लगियो । उपचारको क्रममा घाइतेमध्ये तीनजनाको मृत्यु भएको छ ।

नुवाकोट तार्केश्वर गाउँपालिका घर भएका ३७ वर्षीय माधव घिमिरे, सुन्दरादेवी गाउँपालिका घर भएका २४ वर्षीय रोशन तामाङ र तारकेश्वरकै २७ वर्षीय भुपेन्द्र तामाङको दुर्घटनामा मृत्यु भएको महानगरीय प्रहरी वृत्त कालीमाटीका प्रहरी नायब उपरीक्षक (डीएसपी) अपिलराज बोहोराले बताए ।

डीएसपी बोहोराका अनुसार माधव घिमिरेलाई ४ः२१ बजे चिकित्सकले मृत घोषणा गरेका हुन् । घिमिरेको मृत्यु भएको ९ मिनेटपछि (४ः३० बजे) अस्पतालले भुपेन्द्र तामाङलाई पनि मृत भोषणा गरेको हो । त्यस्तै भुपेन्द्रको मृत्यु भएको २७ मिनेटपछि (४ः५७ बजे) रोशन तामाङको मृत्यु भएको बोहोराले बताए ।

दुर्घटनामा नुवाकोट तारकेश्वर घर भएका २२ वर्षीय विजय तामाङ गम्भीर घाइते भएका छन् । तामाङको सहिद मेमोयिल अस्पतालमा उपचार भइरहेको डीएसपी बोहोराले बताए । तामाङको खुट्टा र शरीरमा चोट लागेपनि बोल्न सक्ने अवस्थामा छन् ।

दुर्घटनामा नुवाकोट दुप्चेश्वर गाउँपालिकाका रोमन तामाङ सामान्य घाइते छन् । डीएसपी बोहोराका अनुसार तामाङ गाडीमा सहचालक हुन् । सहचालक तामाङले नै गाडी चलाएको प्रहरी अनुसन्धानबाट खुलेको छ । तामाङले सवारी अनुमति पत्र समेत नलिएको डीएसपी बोहोराले बताए ।

सहचालकको सानो गल्तीले अनाहकमा तीनजनाले ज्यान गुमाउनुपरेको डीएसपी बोहोराले बताए । ‘भर्खर भर्खर गाडी चलाउन सिकेका रहेछन् । सहचालकले जोस्सिएर खाली बाटो भन्दै तीब्र गतिमा गाडी हाँक्दा अनियन्त्रित भएर गाडी दुर्घटना भएको देखिन्छ,’ डीएसपी बोहोराले बताए ।

गाडीका सहचालक तामाङलाई प्रहरीले नियन्त्रणमा लिएर आवश्यक अनुसन्धान सुरु गरेको छ ।

प्रतिक्रिया :

भर्खरै प्रकाशित

२० देशमा भेटियो कोरोनाको नयाँ भेरियन्ट ‘ओमिक्रोन’, नेपालमा पनि थालियो…

काठमाडौं, १५ मंसिर । कोरोना भाइरसको नयाँ भेरियन्ट विश्वका विभिन्न २० देशमा देखिएको रिपोर्ट बाहिर आएको छ । दक्षिण अफ्रिकामा सबैभन्दा पहिला रिपोर्ट भएको यो भेरियन्टका…

सर्वोच्चमा आजदेखि गोलाप्रथा

काठमाडौं, १५ मंसिर । सर्वोच्च अदालतमा आज (बुधबार) देखि गोलाप्रथा प्रणाली कार्यान्वयन हुँदैछ । प्रधानन्यायाधीशको विशेषाधिकार अन्त्य गर्दै न्यायाधीशले नै गोला तानेर इजलास र पेसी तोक्ने अभ्यास…

प्रहरी नियमावली संशोधन : एकै पटक साढे १७ हजार प्रहरीको…

काठमाडौं, १५ मंसिर । प्रहरी नियमावली संशोधन गरेर सिर्जना गरिएका वरिष्ठ सइ, वरिष्ठ हवल्दार र सहायक हवल्दार पदमा एकैपटक १७ हजार पाँच सय १७ प्रहरी बढुवा…

एमसीसी जस्ताको त्यस्तै पास गर्ने पक्षमा छैनौं : नारायणकाजी श्रेष्ठ

पोखरा, ११ मंसिर । नेकपा माओवादी केन्द्रका नेता नारायणकाजी श्रेष्ठले अमेरिकी मिलेनियम च्यालेञ्ज कर्पोरेसन (एमसीसी) जस्ताको त्यस्तै पास गर्ने पक्षमा आफ्नो पार्टी नरहेको बताएका छन् ।…

सौराहामा एमाले महाधिवेशनको बन्द सत्र शुरु

चितवन, ११ मंसिर । नेकपा (एमाले) को १० औं राष्ट्रिय महाधिवेशन अन्तर्गतको बन्द सत्र सचितवन सौराहामा शुरु भएको छ । निर्धारित समयभन्दा धेरै ढिलो गरी बन्द…