आइपीएल : मुम्बई फाइनलमा

२१ कात्तिक, काठमाडौं । साविक विजेता मुम्बई इन्डियन्स इन्डियन प्रिमियर लिग (आईपीएल) टी-२० क्रिकेट २०२० को फाइनलमा प्रवेश गरेको छ ।

बिहीबार भएको पहिलो क्वालिफायरमा दिल्ली कयापिटल्सलाई ५७ रन अन्तरले पराजित गर्दै मुम्बई उपाधि नजिक पुगेको हो ।

दिल्लीले दिएको २०१ रनको लक्ष्य पछ्याएको दिल्लीले निर्धारित २० ओभरमा ८ विकेट गुमाएर १४३ रन मात्र बनाउन सक्यो । मुम्बई अब लगातार दोस्रो पटक उपाधि जित्नबाट एक जित मात्र टाढा छ ।

उता क्वालिफायरमा पराजित भएपनि दिल्लीले भने फाइनल पुग्ने अर्को अवसर पाउनेछ ।  शुक्रबार हुने सनराइजर्स हैदरावाद र रोएल च्यालेन्जर्स बैंगलोरबीचको एलिमिनेटर खेलको विजेतासँग दिल्लीले फाइनल प्रवेशका लागि दोस्रो क्वालिफायर खेल्नेछ ।

सर्वाधिक चार पटकको च्याम्पियन मुम्बई फाइनल पुगेको यो छैटौं पटक हो । सन् २०१० मा पहिलो पटक फाइनल पुग्दा चेन्नाई सुपर किंग्ससंग पराजित भएको मुम्बईले २०१३ मा पहिलो पटक उपाधि जितेको थियो । यस्तै २०१५, २०१७ र २०१९ मा पनि मुम्बई च्याम्पियन बनेको थियो ।

लिगमा पहिलो भएको मुम्बई र दोस्रो भएको दिल्लीबीच क्वालिफायर खेल प्रतिस्पर्धात्मक हुने अपेक्षा रहेपनि खेल एकपक्षीय जस्तै रह्यो ।

दुबईमा टस हारेर पहिले ब्याटिङ गरेको मुम्बईले सूर्य कुमार यादव र इशन किसनको अर्धशतक तथा हार्दिक पाण्ड्याको आक्रामक ब्याटिङ मद्दतमा २० ओभरमा ६ विकेट गुमाएर २०० रन बनाएको थियो ।

दोस्रो ओभरको तेस्रो बलमै कप्तान रोहित शर्मा खाता नखोली आउट भएपनि अर्का ओपनर क्विन्टन डि कक र सूर्य कुमार यादवले मुम्बईलाई राम्रो सुरुवात दिलाए । रोहितलाई रविचन्द्र आश्विनले एलबीडब्लु गरे । डि कक र यूर्य कुमारले दोस्रो विकेटका लागि ६२ रनको साझेदारी गरे । २५ बलमा ५ चौका र १ छक्का सहित ४० रन बनाएपछि डि कक आठौं ओभरको चौथो बलमा रविचन्द्रन आश्विनको बलमा शिखर धवनद्वारा क्याचआउट भए ।

सूर्यकुमार अर्धशतक बनाएर १२औं ओभरमा आउट भए । ३८ बल खेलेका उनले ६ चौका र २ छक्काको मद्दतमा ५१ रन बनाए । त्यसपछि क्रिजमा पुगेका काइरन पोलार्ड २ बल खेल्दै शुन्यमा आउट भए भने क्रुनल पाण्ड्याले १० बलमा १३ रन जोडे । सातौं नम्बरमा ब्याटिङ गरेका हार्दिक पाण्ड्या र इशान किसनले इनिङ्सको अन्त्यतिर शानदार ब्याटिङ गर्दा मुम्बईले विशाल लक्ष्य खडा गरेको हो । यी दुईले सातौं विकेटका लागि २३ बलमै ६० रनको साझेदारी गरे । किसनले ३० बल खेल्दै ४ चौका र ३ छक्काको मद्दतमा अविजित रहँदै ५५ रन जोडे । उनले अन्तिम बलमा छक्का प्रहार गर्दै अर्धशतक पूरा गरेका थिए । हार्दिकले १४ बल खेल्दै अविजित ३७ रन जोडे । त्यस क्रममा उनले ५ छक्का प्रहार गरे ।

दिल्लीका लागि आश्विनले ४ ओभरमा २९ रन खर्चेर ३ विकेट लिए भने फास्ट बलरहरुले राम्रो गर्न सकेनन् । ड्यानिएल साम्स ४ ओभरमा ४४ रन खर्चेर विकेटविहीन रहे । कागिसो रबाडाले पनि ४ ओभरमा ४२ रन खर्चे भने विकेट लिन सकेनन् । अर्का बलर एनरिक नोर्कियले ४ ओभरमा ५० रन खर्चेर १ विकेट लिए । यस्तै मार्कुस स्टोइनिसले १ ओभर बलिङ गर्दा ५ रन खर्चेर १ विकेट लिए  ।

२०१ रनको लक्ष्य पछ्याएको दिल्लीले खराब सुरुवात गर्यो । दिल्लीका लागि मार्कुस स्टोइनिङले अर्धशतक बनाए भने अक्क्षर पटेलले ४२ रन जोडे । कागिसो रबाडाले अविजित १५ रन बनाउँदा कप्तन श्रेयास अयेरले १२ रन जोडे ।

दिल्लीको इनिङ्स ध्वस्त पार्ने क्रममा मुम्बईका जसप्रित बुमराह एक्लैले ४ विकेट लिए ।

ट्रेन्ट बोल्टले पहिलो ओभरमै दुई विकेट लिँदै मुम्बईलाई शानदार सुरुवात दिलाए । दिल्लीले पहिलो रन जोड्न १०औं बल कुर्नुपरेको थियो । जतिबेला टप अर्डरको ३ विकेट गुमाइसकेको थियो । बोल्टले पहिलो ओभरमा ओपनर पृथ्वी श र अजिन्का रहानेलाई आउट गरे । दोस्रो ओभरमा जसप्रित बुमराहले अर्का ओपनर शिखर धवनलाई आउट गरे ।

त्यसपछि कप्तान श्रेयस अय्यर र मार्कुस स्टोइनिसले इनिङ्स सम्हाल्ने प्रयास गरेका थिए । तर अय्यर पनि १२ रन बनाएर चौथो ओभरको पाँचौ बलमा बुमराहलको बलमा रोहित शर्माद्वरा क्याचआउट भए ।

आठौं ओभरको पाँचौ बलमा दिल्लीले पाँचौ विकेटको रुपमा ऋषभ पन्तको विकेट गुमायो । दिल्लीले ४१ रनमा ५ विकेट गुमाएपछि स्टोइनिसले अक्क्षर पटेलसँग छैटौं विकेटको लागि अर्धशतकिय साझेदारी गरे । दुई खेलाडीले ७१ रनको साझेदारी गर्दा दिल्लीको इनिङ्स केही सम्हालिएको थियो । तर १६औं ओभरको पहिलो बलमा बुमराहले स्टोइनिसलाई बोल्ड गर्दै साझेदारी तोडे । स्टोइनिसले ४६ बल खेल्दै ६ चौका र ३ छक्का मद्दतमा ६५ रन बनाए ।

१६औं ओभरको तेस्रो बलमा बुमराहले ड्यानिएल साम्सलाई विकेटकिपर डे ककबाट क्याचआउट गराए । १६औं ओभरमा बुमराहले कुने रन नदिई २ विकेट लिए । अन्तिम ओभरमा पोलार्डले दिल्लीका अक्क्षर पटेलको विकेट लिए । पटेलले ३३ बल खेल्दै २ चौका र ३ छक्काको मद्दतमा ४२ रन जोडे ।

मुम्बईका लागि बुमराहले ४ ओभरमा १ मेडन राख्दै १४ रन मात्रै खर्चेर ४ विकेट लिए । यस्तै बोल्टले २ ओभरमा १ मेडन राख्दै ९ रन खर्चेर २ विकेट लिए । क्रुनल पाण्ड्याले ४ ओभरमा २२ रन खर्चेर १ विकेट लिए ।

प्रतिक्रिया :

भर्खरै प्रकाशित

२० देशमा भेटियो कोरोनाको नयाँ भेरियन्ट ‘ओमिक्रोन’, नेपालमा पनि थालियो…

काठमाडौं, १५ मंसिर । कोरोना भाइरसको नयाँ भेरियन्ट विश्वका विभिन्न २० देशमा देखिएको रिपोर्ट बाहिर आएको छ । दक्षिण अफ्रिकामा सबैभन्दा पहिला रिपोर्ट भएको यो भेरियन्टका…

सर्वोच्चमा आजदेखि गोलाप्रथा

काठमाडौं, १५ मंसिर । सर्वोच्च अदालतमा आज (बुधबार) देखि गोलाप्रथा प्रणाली कार्यान्वयन हुँदैछ । प्रधानन्यायाधीशको विशेषाधिकार अन्त्य गर्दै न्यायाधीशले नै गोला तानेर इजलास र पेसी तोक्ने अभ्यास…

प्रहरी नियमावली संशोधन : एकै पटक साढे १७ हजार प्रहरीको…

काठमाडौं, १५ मंसिर । प्रहरी नियमावली संशोधन गरेर सिर्जना गरिएका वरिष्ठ सइ, वरिष्ठ हवल्दार र सहायक हवल्दार पदमा एकैपटक १७ हजार पाँच सय १७ प्रहरी बढुवा…

एमसीसी जस्ताको त्यस्तै पास गर्ने पक्षमा छैनौं : नारायणकाजी श्रेष्ठ

पोखरा, ११ मंसिर । नेकपा माओवादी केन्द्रका नेता नारायणकाजी श्रेष्ठले अमेरिकी मिलेनियम च्यालेञ्ज कर्पोरेसन (एमसीसी) जस्ताको त्यस्तै पास गर्ने पक्षमा आफ्नो पार्टी नरहेको बताएका छन् ।…

सौराहामा एमाले महाधिवेशनको बन्द सत्र शुरु

चितवन, ११ मंसिर । नेकपा (एमाले) को १० औं राष्ट्रिय महाधिवेशन अन्तर्गतको बन्द सत्र सचितवन सौराहामा शुरु भएको छ । निर्धारित समयभन्दा धेरै ढिलो गरी बन्द…