दसैंले तिहारले उचाल्यो अनलाइन बजार

siddhartha wheel mart

२० कात्तिक, काठमाडौं । कोरोनाको रोकथाम र नियन्त्रणका लागि गरिएको लकडाउनमा केही हप्ता बन्द रहेका ई–कमर्स साइटले चार्डपर्वको छेकामा भने चौका दाउ नै लगाए । उनीहरुले दसैं लागेपछि सामान्य अवस्थाकोभन्दा दोब्बरसम्म कारोबार गरे ।

किनमेलका लागि बाहिर भीडभाड जान नचाहनेहरु धेरै भए । लकडाउनमा घरमै बसेर समान अर्डर गर्ने सुविधा धेरै शहरीया मध्यम तथा उच्च वर्गले प्रयोग गरे ।

aawash steels

घरघरै समान पुर्याइदिने ई–कमर्स मोडलले यो पटकको दसैंमा अझ राम्रो नतिजा निकाल्यो । बढिहरेको ई–कमर्सलाई भौतिक दूरी कायम गर्नुपर्ने लगायतका अवस्थाले थप प्रवर्द्धन गरेको ई–कमर्स साइट सञ्चालक कम्पनीहरु बताउँछन् ।

चाडपर्वको समयमा हुने किनमेलका लागि यसपटक विगतको भन्दा उच्चदरमा ग्राहकले अनलाइन माध्यम प्रयोग गरे । अनलाइनबाटै सामान अर्डर गर्ने र मूल्य पनि विद्युतीय माध्यमबाट भुक्तानी गर्ने क्रम अहिले बढ्दो छ । दसैंमा भएको अनलाइन कारोबारले यसलाई नयाँ उचाइमा लग्यो ।

super kinetic courier

चल्तीका ई–कसर्म साइटहरुले अहिले काठमाडौंको चक्रपथ बाहिर पनि निःशुल्क डेलिभरी दिइरहेका छन् ।

मूल्य भुक्तानीका लागि आईएमई–पे, प्रभु–पे, सेल–पे, खल्ती लगायतका भुक्तानी सेवा प्रदायकहरुको ई–वालेट प्रयोग गरिन्छ । त्यसबाहेक एटीम कार्ड ‘स्वाप’ गर्न मिल्ने ‘पीओएस’ मेसिन बोकेर डेलिभरी दिनेहरु घर–घर पुग्छन् । नगदमै पनि भुक्तानी दिन सकिने व्यवस्था ई–कमर्स साइटहरुले गरेका छन् ।

दसैंको बेला कारोबार स्वभाविक रुपमा बढ्ने भएपनि यसवर्ष कोभिडका कारण थप बल मिलेको बताउँछन् अलीबाबाको नेपाल प्रतिनिधि कम्पनी ‘दराज’का चिफ कमर्सियल अफिसर टेम्पल प्याकुरेल ।

यो वर्ष दसैंका बेला ग्राहक घटेर खुला बजारका पसलेहरु टाउकामा हात लगाएर बसिरँदा ई–कमर्स साइटहरुलाई अर्डर लिन र डेलिभरी दिन भ्याई–नभ्याई थियो । त्यसमाथि, दशैंका लागि उनीहरुले केही छुटसहितका स्किहरु पनि ल्याएका थिए ।

लकडाउनपछि ह्वात्तै बढेको ई–कमर्स साइटको ब्यापार चाडपर्वको समयमा दोब्बर भएको बताउँछन् ‘किराना’का सहसंस्थापक सागरदेव भट्ट ।

‘लकडाउनपछि ब्यासाय राम्रो हुँदै गएकोमा दशैंमा त अर्डरको लहर नै आयो’, उनले भने, ‘अनलाइन कारोबारमा नेपाली उपभोक्ता अभ्यस्त बन्दै गएको लक्षण पनि हो यो ।’ भविष्यमा ई–कमर्सलाई आम जनतामाझ पुर्‍याउन सकिने भन्दै उनले लकडाउनपछिको अप्ठेरो अवस्था र त्यसपछिको चाडबाडका मौसममा ई–कमर्स प्रयोग गरेका ग्राहकको अनुभव महत्वपूर्ण हुने बताए ।

नेपालको सबैभभन्दा ठूलो अनलाइन सपिङ साइट ‘दराज’ले यो दशैंको समयमा ३ लाख वटा सामानको कारोबार गर्‍यो ।

चिफ कमर्सियल अफिसर प्याकुरेलका अनुसार ‘दराज’ले दशैंमा ६ हजार बिक्रेताका उत्पादन बेच्यो । उनको अनुभवमा यो दशैंमा फेसन आईटमभन्दा ईलेक्ट्रिकल र इलेक्ट्रोनिक्स समानमा उपभोक्ताको बढी चासो देखियो ।

दराजले दसैंमा आफ्नो प्लेटर्फममा बिक्रेताको बढाउन र मूल्यलाई प्रतिस्पर्धी बनाउन ‘सहयात्री’ योजना ल्याएको थियो ।

यसबाट ८०० बिक्रेता दराजमा भित्रिएको प्याकुरेल बताउँछन् । ‘अब अलिबाबाको ग्लोबल सेल मेला ११/११ पनि नोभेम्बर ११ मा गर्दैछौं’, उनी भन्छन्, ‘त्यसबाट पनि कम्पनीले ई-कसर्मको बजार फैल्याउन मद्धत पुग्नेछ ।’

अर्को अग्रणी अनलाइन सपिङ साइट ‘सस्तो डिल’को पनि अनुभव त्यस्तै छ । अघिल्लो वर्षभन्दा यसवर्ष २०० प्रतिशत बढी कारोबार भएको कम्पनीका चिफ कमर्सियल अफिसर अमितेष रोयले बताए ।

यो अवधिमा सस्तो डिलमार्फत रु.१० करोडभन्दा बढीको कारोबार भएको बताउँदै उनले भने, ‘ग्राहकहरु ई–सेवाप्रति विश्वास बढेको यसले देखाउँछ ।’ रोयका अनुसार ई–कमर्स साइट भिजिट गर्नेहरु ५०० प्रतिशतसम्म बढेको छ । साइटमा एकैपटक धेरै ग्राहक झुम्मिँदा अप्ठेरो समेत परेको उनले बताए ।

प्रतिक्रिया :
NK suppliers

भर्खरै प्रकाशित

जनता र मिडियाले उठाएका विषयअनुरुप नै भ्रष्टाचार न्यूनीकरणमा लागि पर्छु…

१५ फागुन, काठमाण्डौ । अख्तियार दुरुपयोग अनुसन्धान आयोगका प्रमुख आयुक्त प्रेमकुमार राईले भ्रष्टाचारको बढ्दो ग्राफलाई न्यून गराउने र विगतको भन्दा प्रभावकारी बनाउने प्रतिवद्धता व्यक्त गरेका…

कुन राशिलाई आज कति लाभ ,हेर्नुहोस आजको राशिफल :फागुन १५

२०७७ फागुन १५ गते, शनिवार, २७ फेब्रुअरी २०२१। माघ शुक्लपक्ष पूर्णिमा तिथि (१४ः१६ बजेदेखि फाल्गुण कृष्ण प्रतिपदा), मघा नक्षत्र (११ः५२ बजेदेखि पूर्वफाल्गुनी), चन्द्रराशि– सिंह। मेष…

तेह्रथुमस्थित एक विद्यालयमा आगलागी हुँदा करोडौंको क्षति

१५ फागुन, तेह्रथुम । तेह्रथुमको फेदाप गाउँपालिका–२ ओयाक्जुङमा रहेको सिद्धकाली माध्यमिक विद्यालयमा शनिबार बिहान आगलागी भएको छ । विद्यालयको प्राशसनिक भवनमा बिहान करीब ३ बजेतिर…

केपी ओलीसँग एकता असम्भव:प्रचण्ड

काठमाडौं,फाल्गुन १५ । नेकपा अध्यक्ष पुष्पकमल दाहाल प्रचण्डले केपी ओलीसँग एकता असम्भव रहेको बताएका छन्। प्राइम टेलिभिजनलाई शुक्रबार अन्तर्वार्ता दिँदै प्रचण्डले प्रतिनिधि सभा विघटन गर्ने…

आज दिउँसो मेघगर्जन तथा चट्याङसहित हल्का वर्षाको सम्भावना हुने

काठमाडौं,फाल्गुन १५ । मौसम पूर्वानुमान महाशाखाका अनुसार अहिले (शनिबार बिहान) देशको पहाडी भेगमा मौसम आंशिकदेखि सामान्यसम्म बदली छ। यसबाहेकका स्थानमा भने मौसम सामान्यतया सफा छ…