कोरोना संक्रमित पुरुषको शव जलाउन खोज्दा रगत देखियो

काठमाडौं । विराटनगरमा कोरोना संक्रमणबाट मृत्यु भएका व्यक्तिको शवलाई चितामा राखेर जलाउन खोज्ने क्रममा रगत देखिएपछि मृतकका आफन्तले तीन घण्टासम्म शव जलाएनन् ।

विराटनगर महानगरपालिका–११ का ४९ वर्षीय कपडा व्यापारीको मंगलबार बिहान न्यूरो अस्पताल विराटनगरको कोभिड १९ अस्पतालमा मृत्यु भएको थियो । मृत्युपछि नेपाली सेनाको शव व्यवस्थापन टोलीले मंगलबार दिउँसो करिब १२ बजे विराटनगर हाटखोलामा रहेको परमबिश्रान्ती घाटमा बनाइएको चितामा शव राखिदिएको थियो । तर शव हेर्दा अनुहारमा रगत देखिएपछि आफन्तले शवबाट मानव अंग निकालेको आशंकामा चितामा आगो लगाउन अस्वीकार गरेका थिए ।

छोरा महावीर रौनियारका अनुसार बुबाको शव दिउँसो १२ बजे नेपाली सेनाको टोलीले घाटमा लगिदिएको थियो । ‘मृत्यु हुँदाको समयमा बुबाको शरीरमा रगत थिएन,’ मृतकका छोरा महाबीरले भने, ‘तर चितामा अन्तिम पटक बुबाको मुख हेर्दा रगत देखिएपछि आशंका लागेर दागबत्ती नदिएका हौं ।’

अस्पतालको चिकित्सकको टोलीले मुखबाट रगत आएको र रगत आउने कारण बताएपछि आफन्तले तीन घण्टापछि मात्रै शव जलाएका थिए ।

न्यूरो अस्पतालका डाक्टर अनिल मेहताका अनुसार कोरोना संक्रमणका कारण मृत्यु भएकाहरुको नाक र मुखबाट रगत आउन सक्छ । फोक्सोमा समस्या हुँदा रगत जमेर निस्कन सक्ने उनले बताए । रगत आउन सक्ने कारण बताएपछि आफन्तले अन्तिम संस्कार गरेको उनले बताए ।

१४ कात्तिकमा कोरोना पोजेटिभ देखिएका पुरुषको मंगलबार बिहान ३ः५० मा न्यूरो अस्पतालको कोभिड १९ अस्पतालमा मृत्यु भएको थियो ।

प्रतिक्रिया :

भर्खरै प्रकाशित

सिटीजन्स बैंक लुटपाट घटना: यसरी बन्यो बैंक लुट्ने योजना

कार्तिक १, विराटनगर।  व्यवसायी श्याम मुखियाले करिब ५ वर्ष अगाडि १० लाख रुपैयाँ ऋण लिएर विराटनगर–६ मा गार्मेन्टको कारोबार सुरु गरे । तर, व्यवसाय राम्ररी नचलेपछि…

राष्ट्रिय क्रिकेट टोलीको मुख्य प्रशिक्षकका लागि आवेदन खुला

काठमाडौँ — नेपाल क्रिकेट संघ(क्यान)ले नेपाली राष्ट्रिय क्रिकेट टोलीको मुख्य प्रशिक्षकका लागि आवेदन खुला गरेको छ । सोमबार क्यानले नेपाली राष्ट्रिय टोलीको मुख्य प्रशिक्षकका लागि आवेदन…

पाल्पामा आयुर्वेद सेवा लिने बढ्दै

रामपुर (पाल्पा), असोज ३१ गते । पाल्पामा आयुर्वेद औषधि सेवा लिने बिरामी बढ्दैछन् । ग्याष्ट्रिक, पेट दुख्ने, खान नरुच्ने जस्ता समस्या भएका बिरामीहरु आयुर्वेद औषधालयमा…

टी–२० विश्वकपको सातौँ संस्करण आजदेखि सुरु हुदै

काठमाडौँ, अशोज ३१ । सातौँ आईसीसी टी–२० विश्वकप आज देखि सुरु हुँदैछ । क्वालिफायर राउन्ड अन्तरगत आज दुई खेल हुनेछन् । समूह बी अन्तरगत ओमान…

चाडबाडले आउजाउ बढ्यो, गाउँमा संक्रमण फैलिने जोखिम

काठमाडौं, २७ असोज । चाडपर्वसँगै कोरोना भाइरस सङ्क्रमणको जोखिम पनि गाउँघरमा हुने भएको छ । चाडपर्व मनाउनमा गाउँघर र बजारमा मानिसको बढ्दो भीडसँगै कोरोना सङ्क्रमणको जोखिम…