तौल घटाउनका लागि खानुहोस् यी सात खानेकुरा

चिसो मौसममा तात्तातो खानाबाट टाढा बस्न मुश्किल हुन्छ । यो मौसममा मानिसहरु तत्तातो जेरी, लाल मोहन, हट चकलेट खान असाध्यै रुचाउँछन् । चिसो मौसममा मानिसहरुको खान्की पनि बढ्ने दाबी गरिन्छ । यसै कारण यो मौसममा मानिसहरुको तौल तीब्र रुपमा बढ्ने गर्छ । स्वास्थ्य विज्ञका अनुसार चिसो मौसममा केही खानेकुराले तौल घटाउनुका साथै पेटको बोसोलाई पनि निकै कम गर्न निकै प्रभावकारी भूमिका निभाएको हुन्छ । आउनुहोस्, त्यस्ता खानेकुराबारे जानकारी लिऔंः

१. गाजरः

फाइबरले भरपुर गाजरलाई पचाउन शरीरलाई सहज हुँदैन । यसैकारण यो खाएको घण्टौंसम्म पनि भोक लाग्दैन । स्वभाविक रुपमा यदि मानिसहरुलाई भोक लाग्दैन भने उसको तौल कम हुनु पक्कै छ । अर्कोतिर गाजर असाध्यै कम क्यालोरी र नन स्टार्की भएका कारण यसले तौल पनि बढाउँदैन ।

२. चुकन्दरः

चुकन्दरमा तौल घटाउने फाइबर पाइन्छ । यसमा क्यालोरीको मात्रा पनि निकै कम हुन्छ भने यसमा फ्याट शून्य प्रतिशत हुन्छ भन्दा फरक पर्दैन । जसले तौल बढ्न नदिइ भएको बोसोलाई पनि बिस्तारै कम गर्न मद्दत गर्छ ।

३. दालचीनीः

भान्सामा पाइने दालचीनीले पनि चिसोयाममा तौल घटाउने गर्छ । जर्नल अफ न्यूट्रिशनल साइन्स एण्ड भिटामिनोलोजीका अनुसार दालचीनीमा पाइने सिनमोल्डेहाइड फ्याटले मेटाबोलिजमलाई सन्तुलित राख्छ । यसले इन्सुलिन पनि नियन्त्रणमा हुन्छ । जसका कारण तौल पनि नियन्त्रणमा रहन्छ ।

४. मेथीः

चिसो मौसममा मेथीको दाना तौल घटाउनका लागि कुनै गुणकारी औषधीभन्दा कम छैन । मेथीको दानाले रगतमा चिनीको मात्रालाई नियन्त्रणमा ल्याउँछ र इन्सुलिनको श्रावलाई बढाउने गर्छ । यसले तपाईंको मेटाबोलिजम सिस्टमलाई दुरुस्त राख्छ । यसमा पाइने ग्लेक्टोमेननले भोकलाई नियन्त्रणमा राख्न मद्दत गर्छ ।

५. अम्बाः

जाडोयाममा पाइने अम्बाले पनि घण्टौंसम्म भोकलाई नियन्त्रणमा राख्न सक्छ । यसले तपाईंको शरीरका लागि आवश्यक फाइबरको दैनिक आवश्यकतालाई १२ प्रतिशतसम्म पूरा गर्न सक्छ । यो फल मानिसहरुको मेटाबोलिजमका लागि पनि निकै फाइदाजनक छ । एउटा राम्रो मेटाबोलिजम मानिसहरुको तौल घटाउनमा पनि निकै मद्दत गर्नसक्छ ।

६. पानीः

चिसो मौसममा पानीको कमीले शरीर डी–हाइड्रेट हुने खतरा बढी रहन्छ । डी हाइड्रेशनका कारण मेटाबोलिजम सिस्टममा खराब असर पर्ने गर्छ । यो मौसममा तातो पानी वा हर्बल टीले तपाईंको शरीरलाई हाइड्रेट राख्ने काम गर्छ भने लामो समयसम्म भोक लाग्न पनि दिँदैन ।

७. फ्रेश खानेकुराः

चिसो मौसममा मानिसहरु धेरैजसो प्याकेटमा बन्द वा प्रोसेस्ड फूडको प्रयोग गर्छन् । यस्तो प्रकारको खानामा सोडियम र सुगरको मात्रा निकै धेरै हुन्छ जसका कारण तीब्र रुपमा तौल बढ्ने गर्छ । त्यसैले प्याकेटमा बन्द सूप, सस वा प्रोसेस्ड फूडको साटो डाइटमा फ्रेश खानेकुरा मात्रै समावेश गर्नुहोस् ।

प्रतिक्रिया :

भर्खरै प्रकाशित

२० देशमा भेटियो कोरोनाको नयाँ भेरियन्ट ‘ओमिक्रोन’, नेपालमा पनि थालियो…

काठमाडौं, १५ मंसिर । कोरोना भाइरसको नयाँ भेरियन्ट विश्वका विभिन्न २० देशमा देखिएको रिपोर्ट बाहिर आएको छ । दक्षिण अफ्रिकामा सबैभन्दा पहिला रिपोर्ट भएको यो भेरियन्टका…

सर्वोच्चमा आजदेखि गोलाप्रथा

काठमाडौं, १५ मंसिर । सर्वोच्च अदालतमा आज (बुधबार) देखि गोलाप्रथा प्रणाली कार्यान्वयन हुँदैछ । प्रधानन्यायाधीशको विशेषाधिकार अन्त्य गर्दै न्यायाधीशले नै गोला तानेर इजलास र पेसी तोक्ने अभ्यास…

प्रहरी नियमावली संशोधन : एकै पटक साढे १७ हजार प्रहरीको…

काठमाडौं, १५ मंसिर । प्रहरी नियमावली संशोधन गरेर सिर्जना गरिएका वरिष्ठ सइ, वरिष्ठ हवल्दार र सहायक हवल्दार पदमा एकैपटक १७ हजार पाँच सय १७ प्रहरी बढुवा…

एमसीसी जस्ताको त्यस्तै पास गर्ने पक्षमा छैनौं : नारायणकाजी श्रेष्ठ

पोखरा, ११ मंसिर । नेकपा माओवादी केन्द्रका नेता नारायणकाजी श्रेष्ठले अमेरिकी मिलेनियम च्यालेञ्ज कर्पोरेसन (एमसीसी) जस्ताको त्यस्तै पास गर्ने पक्षमा आफ्नो पार्टी नरहेको बताएका छन् ।…

सौराहामा एमाले महाधिवेशनको बन्द सत्र शुरु

चितवन, ११ मंसिर । नेकपा (एमाले) को १० औं राष्ट्रिय महाधिवेशन अन्तर्गतको बन्द सत्र सचितवन सौराहामा शुरु भएको छ । निर्धारित समयभन्दा धेरै ढिलो गरी बन्द…