नेपाल टेलिकमले ल्याएको छ नयाँ चाडपर्व अफर, अब अनलिमिटेड युट्युव र फेसबुक

siddhartha wheel mart

काठमाडौं, २९ असोज । नेपाल टेलिकमले चाडबाडको समयलाई लक्षित गर्दै विभिन्न अफर सार्वजनिक गरेको छ । कम्पनीले अनलिमिटेड युट्युव र फेसबुक चलाउन मिल्ने गरी नयाँ अफर ल्याएको हो ।

कम्पनीको मोबाइल सेवामा समर अफरअन्तर्गत हाल उपलब्ध विभिन्न प्याकेजलाई थप परिमार्जन गरी बिहीबारदेखि तीन महिनासम्म लागु हुने गरी अटम अफर ल्याइएको छ । जसअन्तर्गत नयाँ प्याकेजको रुपमा सोसल मिडिया प्याक उपलब्ध हुनेछ ।

aawash steels

यसमा तीन दिनसम्म चलाउन मिल्नेगरी ५५ रुपैयाँमा युट्युव अनलिमिटेड र फेसबुक अनलिमिटेड प्याकेज छुट्टाछुट्टै रुपमा उपलब्ध हुने जनाइएको छ ।

यी अफर खरिद गरे पश्चात् सहुलियत स्वरुप १५ रुपैयाँमा तीन दिनसम्म सबै किसिमका एप्लिकेसन प्रयोग गर्न सकिने गरी एक जिबी डेटाको एड अन प्याक समेत खरिद गर्न सकिनेछ । यसअघि ४० रुपैयाँमा तीन दिनका लागि ५५ मिनेटको भ्वाइस प्याक उपलब्ध गराइरहेकोमा अब सोही दरमा ७० मिनेट टकटाइम पाइनेछ ।

super kinetic courier

साथै १५ रुपैयाँमा ‘वान नाइट अनलिमिटेड’ भ्वाइस कल उपलब्ध हुनेछ । यसअघि उपलब्ध अल टाइम भ्वाइस प्याकअन्तर्गत १ दिन, ७ दिन, २८ दिन र ३५ दिनका लागि उपलब्ध भ्वाइस प्याकहरु यथावत् राखिएका छन् ।

त्यसैगरी राति १० बजेदेखि बिहान ७ बजेसम्म चलाउन मिल्ने नाइट भ्वाइस प्याक र बिहान ५ बजेदेखि बेलुकी ५ बजेसम्म चलाउन मिल्ने विभिन्न दरका डे भ्वाइस प्याक पनि यथावत रहनेछन् ।यसअघि ‘वान डे डेटा प्याक’ अन्तर्गत कुनैपनि समय चलाउन मिल्ने प्याक १५ रुपैयाँमा ६० एमबी उपलब्ध हुने गरेकोमा अब १०० एमबी प्राप्त गर्न सकिनेछ ।

त्यसैगरी ‘थ्री डे डाटा प्याक’ अन्तर्गत ६० रुपैयाँमा ४०० एमबी उपलब्ध हुने गरेकोमा अब ५०० एमबी प्राप्त गर्न सकिनेछ । वान डे डेटा प्याक अन्तर्गत बिहान ६ बजेदेखि बेलुकी ६ बजेसम्म चलाउन मिल्ने डाटा प्याकको भोलुम पनि पहिलेभन्दा बढाइएको छ ।

यस अन्तर्गत १० रुपैयाँमा ८० एमबी डेटा उपलब्ध हुने गरेकोमा अब १२० एमबी र १५ रुपैयाँमा २५० एमबी डेटा पाउन सकिनेछ । यसैगरी टेलिकमले घटस्थापनादेखि कोजाग्रत पुर्णिमासम्म लागु हुने ‘दशैं अफर’ र काग तिहारदेखि छठ पर्वसम्म लागु हुने ‘तिहार अफर’ पनि ल्याएको छ ।

जसअन्तर्गत दशैं तिहार र छठ पर्वलाई समेत समेटेर जीएसएम तथा सीडीएमए मोबाइलको रिचार्जमा कुराकानीका लागि अतिरिक्त मिनेट बोनसका रुपमा उपलब्ध गराइनेछ । यसमा रिचार्ज कार्डबाट ५० को रिचार्ज वा एमपोसबाट २० देखि ५० सम्मको रिचार्ज गर्दा सोही दिन प्रयोग गर्न सकिने गरी पाँच मिनेट बोनस प्राप्त हुनेछ ।

रिचार्जकार्डबाट १०० रुपैयाँ वा एमपोसबाट ५१ देखि १०० को रिचार्ज गर्दा सोही दिन प्रयोग गर्न मिल्ने गरी थप १० मिनेट बोनस टकटाइम प्राप्त हुनेछ । रिचार्ज कार्डबाट २०० रुपैयाँको वा एमपोसबाट १०१ देखि २०० रुपैयाँको रिचार्ज गर्दा सोही दिन प्रयोग गर्न सकिने गरी २० मिनेट थप बोनस प्राप्त गर्न सकिनेछ ।

एमपोसबाट २०१ देखि ४९९ रुपैयाँसम्म रिचार्ज गर्दा सोही दिन प्रयोग गर्न मिल्ने गरी ३० मिनेट बोनस प्राप्त गर्न सकिनेछ । यसैगरी, रिचार्ज कार्डबाट ५०० रुपैयाँको वा एमपोसबाट ५०० देखि ९९९ रुपैयाँसम्मको रिचार्ज गर्दा दुई दिनभित्र प्रयोग गर्न सकिने गरी ५० मिनेट बोनस प्राप्त हुनेछ ।

साथै, रिचार्ज कार्डबाट १००० रुपैयाँ वा एमपोसबाट १००० हजार वा सोभन्दा माथि रिचार्ज गर्दा दुई दिन प्रयोग गर्न सकिने गरी १०० मिनेट बोनस टकटाइम प्राप्त हुनेछ । यसका साथै मिति २०७७ कात्तिक १ गतेबाट नेपाल टेलिकम एप पहिलो पटक डाउनलोड गर्दा ५०० एमबी डेटा एक पटकका लागि निःशुल्क प्राप्त हुनेछ ।

यसैगरी *444# डायल गरी फोरजी सेवामा सिमकार्ड स्तरोन्नती गर्दा एक पटकका लागि ५०० एमबी (सबै नेटवर्कमा) र थप ५०० एमबी फोरजी नेटवर्कमा प्रयोग गर्न सकिने गरी निःशुल्क प्राप्त हुनेछ ।यसअघि विद्यार्थीहरुका लागि मात्र उपलब्ध रहेको ह्याप्पी लर्निङ प्याक अब सबै ग्राहकले प्रयोग गर्न पाउने कम्पनीले जनाएको छ ।

यो प्याक लिनका लागि अब सम्बन्धित निकायको सिफारिश समेत आवश्यक पर्नेछैन । टेलिकमका प्रयोगकर्ताले *1415# डायल गरी विभिन्न प्याकेज खरिद गर्न सक्नेछन् ।

साथै टेलिकमको मोबाइल एपबाट समेत प्याकेजहरु खरिद गर्न सकिने छ । साथै कम्पनीको एप तथा वेबसाइटमार्फत यस सम्बन्धी विस्तृत जानकारी पनि लिन सकिनेछ ।

प्रतिक्रिया :
NK suppliers

भर्खरै प्रकाशित

प्रधानमन्त्री ओलीले प्रचण्डलाई ‘मिस्टर कन्फर्टेवल’ को उपमा

काठमाडौं,फाल्गुन १६ । प्रधानमन्त्री केपी शर्मा ओलीले पूर्व नेकपा प्रचण्ड-नेपाल समूहका अध्यक्ष पुष्पकमल दाहाललाई ‘मिस्टर कन्फर्टेवल’ को उपमा दिँदै देश बर्बाद पार्न लागेको आरोप लगाएका…

प्रधानमन्त्री ओलीको ह्वीप नमान्ने कुनैपनि सांसदलाई प्रधानमन्त्री ओलीले हटाउन नसक्ने…

काठमाडौं,फाल्गुन १६ । नेपाल कम्युनिष्ट पार्टी(नेकपा) प्रचण्ड-माधव पक्षका स्थायी कमिटी सदस्य भीम रावलले प्रधानमन्त्री केपी शर्मा ओलीको ह्वीप नमान्ने कुनैपनि सांसदलाई प्रधानमन्त्री ओलीले हटाउन नसक्ने…

गृहमन्त्री रामबहादुर थापाले आफ्नो स्वकीय सचिव बीरु तामाङलाई हटाए

काठमाडौं,फाल्गुन १६ । गृहमन्त्री रामबहादुर थापाले आफ्नो स्वकीय सचिव बीरु तामाङलाई हटाएका छन्। आइतबार गृहमन्त्री थापाले तामाङलाई आफ्नो सचिवालयबाट हटाएको मन्त्री थापानिकट स्रोतले बतायो। मन्त्री…

नेपाल प्रहरीको साइबर ब्युरोको आधिकारीक लोगो दुरुपयोग गरी नक्कली फेसबुक…

काठमाडौं,फाल्गुन १६ । नेपाल प्रहरीको साइबर ब्युरोको आधिकारीक लोगो दुरुपयोग गरी नक्कली फेसबुक पेज खोल्ने व्यक्ति पक्राउ परेका छन्। कपिलवस्तुको वाणगंगा नगरपालिका–२ का १८ वर्षीय…

मिस नेवाः बनिन् कृषा महर्जन

काठमाडौं,फाल्गुन १६ । राजधानीको डल्लुकी कृषा महर्जन नयाँ नेवार सुन्दरी चुनिएकी छिन्। नेप्लिज फेसन होमद्वारा शनिबार राति राजधानीको कमलादीस्थित नेपाल प्रज्ञा प्रतिष्ठानमा आयोजित नेवार युवतीहरुबीचको…