कतै हाम्रो कलेजोमा बोसो त भरिएको छैन ? जान्नुहोस् यसका लक्षण र रोकथामका उपायहरू

काठमाडौँ, २६ असोज । कलेजोमा बोसो अर्थात् फ्याट्टि लिभरको समस्याले ठुलो संख्यामा मानिसहरुलाई रोगी बनाईरहेको छ ।

यहाँ जान्नुहोस् कसरी कलेजोको बोसो घटाउने र शरीरलाई स्वास्थ्य राख्ने…

कलेजोमा बोसोको समस्या भएका मानिसले विशेषगरी खानामा ध्यान दिनुपर्दछ ।

किनभने कलेजोमा बोसो जम्मा भएपछि प्रायजसो मानिसलाई पेट र पाचनसंग जोडिएको समस्याहरुले सताउछ । जस्तै राम्रो संग दिसाब नहुनु, पेटमा ग्यास बनिराख्नु, लगातार एसिडिटी हुनु रहेको छ ।

यहाँ जान्नुहोस् कलेजोमा बोसो जम्मा भए, समस्याको समाधान गर्ने तरिका….

के हो कलेजोमा बोसो भरिनु अर्थात् फ्याटी लिभर भनेको ?

यस समस्याले मानिसको शरीरको कलेजोमा अत्याधिक बोसो जम्मा हुन्छ ।

हाम्रो खानाको माध्यमबाट शरीरमा जाने बोसो अर्थात् फ्याट विभिन्न अंगहरुमा जम्मा हुने सामान्य प्रकिया हो ।

तर जब कलेजोमा अत्याधिक बोसो जम्मा हुन थाल्दछ तब यसले शरीरको कार्यप्रणालीमा समस्या उत्पन्न गर्छ ।

त्यसैले कलेजोले खाना पाचन गर्ने कार्य सहि तरिकाले गर्न सक्दैन ।

कलेजोमा बोसो जम्मा हुनुको कारण

केलेजोले मुख्यरूपमा खानाबाट प्राप्त हुने रसबाट ऊर्जा उत्पादन गर्ने कार्य गर्दछ ।

साथै ब्लड प्यूरिफिकेशन र सप्लाईसंग सम्बन्धित काम गर्दछ ।

कलेजोमा अतिरिक्त बोसो जम्मा भएपछि दवाव बढ्दै जान्छ र यसले ठिक तरिकाले काम गर्न सक्दैन ।

त्यसैले कलेजोमा अधिक बोसो भएका मानिसले सानो काम गर्दापनि छिट्टै थकान अनुभव गर्ने हुन्छन् ।

कलेजोमा बोसो दुई प्रकारले जम्मा हुन्छ । पहिलो अल्कोहलिक फ्याटी लिभर र अर्को नन अल्कोहलिक फ्याटी लिभरको समस्या हुनेगर्दछ ।

अल्कोहलिक फ्याटी लिभर

अल्कोहलिक फ्याटी लिभरको समस्या यस्तो व्यक्तिलाई हुन्छ जसले नियमित रुपमा मादकपदार्थ अर्थात् रक्सी सेवन गर्दछन् ।

नन अल्कोहलिक फ्याटी लिभर

नन अल्कोहलिक फ्याटी लिभरको समस्या प्रायजसो मानिसमा देखिने गर्दछ । हाइपरटेन्शन, मधुमेह (डायबिटीज), लिभर सिरोसिस आदिको समस्या भएका मानिसलाई नन अल्कोहलिक फ्याटी लिभरको समस्या हुन्छ । यस रोगबाट ग्रसित मानिसको कलेजो सुन्निने तथा घाउ हुने समस्या अधिक हुन्छ ।

कलेजोमा बोसो भरिएको कसरी थाहा पाउने ? लक्षणहरु :

कलेजोमा बोसो भरिएको मानिसलाई प्रायजसो पेटमा दुखाइ हुने गर्दछ । यस्तो मानिसको पेटमा नाइटो भन्दा माथिल्लो भागमा दुखाइ हुन्छ ।

कलेजोमा बोसो भरिएको कारण पेट सुन्निएको हुन्छ र भारीपन तथा पेट कडा हुने समस्या हुन्छ ।

छाला र आँखाको रंगमा पहेंलोपन बढ्दै जान्छ । साथै कलेजोमा समस्या भएका मानिसको तौल अचानक घट्दै जान्छ ।

कसरी उपचार गर्ने ?

कलेजोमा बोसो भरिएको छ भने यसलाई नियन्त्रण गर्न खानपिनमा विशेष ध्यान दिनुपर्छ ।

यदि समस्या अधिक गम्भीर भए डाक्टर कहाँ जाँच गराउन जानुपर्छ र यसलाई सहि औषधिको मात्राले पनि कम गर्न सकिन्छ ।

सक्रिय जीवनशैलीको साथमा आफ्नो पेट सुन्निने समस्या र पेट कठोर हुन नदिन नियन्त्रण गर्न सकिन्छ । नियमित रूपमा हिड्नु पर्छ र योगा गर्दा निकै सहयोग हुन्छ ।

कलेजोमा अधिक बोसो भए कस्तो खाना खाने?

बिहान दिनको शुरुवात गर्दा मनतातो पानि वा हर्बल चियाको साथमा गर्नुपर्छ, यसले शरीरलाई फाइदा गर्छ ।

बिहानको समयमा हर्बल चिया पिउँदा यसले शरीरको हानिकारक/टक्सिक तत्वलाई शरीरबाट बाहिर निकाल्न सहयोग गर्छ ।

फलफुल र सागसब्जिको सलादको सेवन गर्नुपर्छ । उक्त सलादमा कालो नुन र भुटेको जिराको पाउडर मिसाएर खानुपर्छ ।

केवल एक हप्ता यसलाई नियमित सेवन गर्दा परिवर्तन देखिन्छ । शरीर हल्का हुनुको साथै बोसो पनि कम हुँदै जान्छ ।

मैदा, तेलमा तारेको/डीप फ्राइड भोजन र फास्ट फुडको सेवन गर्नुहुँदैन । किनभने मैदाबाट बनेको र तेलमा तारेको खानाले कलेजोमा असर गर्छ र झन् बोसो थप हुन्छ ।

पहिला देखि नै कलेजोमा बोसो भरिएको समस्याबाट पिडित मानिसको लागि यस्तो खानाले कलेजो अझ बढी कम्जोर हुँदै जान्छ ।

दिउँसोको खानामा दही र रातिको खानामा पुदिना वा ताजा बनेको धनियाको अचार सेवन गर्नुपर्छ । यो निकै लाभदायी र पचाउन सजिलो हुन्छ ।

यसले भोजन पचाउने कार्यमा शरीरलाई सहयोग गर्नुको साथै शरीर भित्र रहको हानिकारक तत्वलाई जम्मा हुन रोक लगाउँछ ।

कलेजोमा बोसो भएको मानिसले मादकपदार्थबाट टाढा बस्नुपर्छ मतलब रक्सी सेवन गर्नुहुँदैन ।

त्यस्तै रातिको खाना, सुत्न जाने समय भन्दा कम से कम दुई घण्टा पहिला खानुपर्छ ।

रातिको खाना पछि तुरुन्त सुत्ने वा बसेर समय बिताउनु हुँदैन, यसको सट्टामा बिस्तारै केही समय हिड्नु पर्दछ

भर्खरै प्रकाशित

Dealing With Direct Lenders For Payday Loans – The Thing…

Another big pull which keeps new borrowers coming to payday loan online applications each day is the access. Are you ashamed of one’s debt and…

Pressing Help For Individuals Who Are In Search Of Free…

To take significantly the choice of a contractor, and the writing of scholar papers will be successful. Admission paper writing is one of our primary…

Writing A Research Paper

Download the sample of the paper, give it a read, and marvel at how perfectly it suits your needs. Complete the ordering form at the…

Pattern Detailed Define

You ought to begin your interview essay with an introduction. You ought to state the principle idea of your interview and give some background information…

How To Get To 1066 Battle Of Hastings Abbey &…

At Fulford, two miles from York on the east bank of the Ouse, they saw clear indicators that Edwin and Morcar meant to supply battle.…