आईपीएल : चेन्नाईलाई ७ रनले हराउँदै हैदरावाद विजयी

१७ असोज, काठमाडौं । इन्डियन प्रिमियर लिग (आईपीएल) क्रिकेटमा सनराइजर्स हैदरावादले चेन्नाई सुपर किंग्सलाई सात रनले हराएको छ ।

टस जितेर पहिले ब्याटिङ गरेको हैदरावादले निर्धारित २० ओभरमा पाँच विकेट गुमाउँदै १६४ रन बनाएको थियो । जवाफमा चेन्नाईको टोलीले ५ विकेटको क्षतिमा १५७ रन मात्र बनाउन सक्यो । जारी आईपीएलमा चेन्नाईको यो लगातार तेस्रो हार हो ।

हैदरावादको जितमा प्रियम गर्गले नटआउट ५१ रन जोडे । यसैगरी डेभिड वार्नरले २८, मनिष पाण्डेले २९ र अभिषेक शर्माले ३१ रन योगदान गरे । जोनी बेयरस्टो शून्य रनमा आउट भए भने केन विलियम्सनले ९ र अब्दुल समादले ८ रन बनाए ।

बलिङतर्फ दीपक चहारले २ विकेट लिए ।

दुबई इन्टरनेशनल क्रिकेट स्टेडियममा १६५ रनको लक्ष्य पछ्याएको चेन्नाईलाई तेस्रो ओभरमा ठूलो झट्का लाग्यो । भुनवेश्वर कुमारको बलमा शेन वाटसन बोल्ड भए । वाटसनले १ रन मात्र बनाउन सके । यो चोटबाट उठ्ने प्रयास गरेको चेन्नाईका अम्बाती रायडुलाई टि नटराजनले बोल्ड गरेर अर्को एक झट्का दिए । नटराजनले ८ रन मात्रै बनाउन सके ।

त्यसअघि एक रन बटुल्ने कोसिस गर्दा फाफ डु प्लेसिस रन आउट भएका थिए । उनले १९ बलमा चार चौकाको सहयोगमा २२ रन बनाए ।

चौथो नम्बरमा ब्याटिङ गर्न आएका केदार जाधव १० बलमा ३ रन मात्रै बनाएर आउट भए ।

टिमको सम्मानजनक स्कोर बनाउन महेन्द्रसिंह धोनीले नटआउट ४७ रन बनाए । ३६ बल सामना गर्दा उनले चार चौका र एक छक्का प्रहार गरेका थिए ।

यसैगरी रविन्द्र जडेजाले अर्धशतक बनाए । ३५ बल सामना गरेका उनले ५ चौका र २ छक्काको मद्दतमा ५० रन बनाएका हुन् । साम कुरान १५ रनमा नटआउट रहे ।

बलिङतर्फ टी नटराजनले २ विकेट लिए ।

प्रतिक्रिया :

भर्खरै प्रकाशित

सिटीजन्स बैंक लुटपाट घटना: यसरी बन्यो बैंक लुट्ने योजना

कार्तिक १, विराटनगर।  व्यवसायी श्याम मुखियाले करिब ५ वर्ष अगाडि १० लाख रुपैयाँ ऋण लिएर विराटनगर–६ मा गार्मेन्टको कारोबार सुरु गरे । तर, व्यवसाय राम्ररी नचलेपछि…

राष्ट्रिय क्रिकेट टोलीको मुख्य प्रशिक्षकका लागि आवेदन खुला

काठमाडौँ — नेपाल क्रिकेट संघ(क्यान)ले नेपाली राष्ट्रिय क्रिकेट टोलीको मुख्य प्रशिक्षकका लागि आवेदन खुला गरेको छ । सोमबार क्यानले नेपाली राष्ट्रिय टोलीको मुख्य प्रशिक्षकका लागि आवेदन…

पाल्पामा आयुर्वेद सेवा लिने बढ्दै

रामपुर (पाल्पा), असोज ३१ गते । पाल्पामा आयुर्वेद औषधि सेवा लिने बिरामी बढ्दैछन् । ग्याष्ट्रिक, पेट दुख्ने, खान नरुच्ने जस्ता समस्या भएका बिरामीहरु आयुर्वेद औषधालयमा…

टी–२० विश्वकपको सातौँ संस्करण आजदेखि सुरु हुदै

काठमाडौँ, अशोज ३१ । सातौँ आईसीसी टी–२० विश्वकप आज देखि सुरु हुँदैछ । क्वालिफायर राउन्ड अन्तरगत आज दुई खेल हुनेछन् । समूह बी अन्तरगत ओमान…

चाडबाडले आउजाउ बढ्यो, गाउँमा संक्रमण फैलिने जोखिम

काठमाडौं, २७ असोज । चाडपर्वसँगै कोरोना भाइरस सङ्क्रमणको जोखिम पनि गाउँघरमा हुने भएको छ । चाडपर्व मनाउनमा गाउँघर र बजारमा मानिसको बढ्दो भीडसँगै कोरोना सङ्क्रमणको जोखिम…