सामसुङको आम्दानी साढे ५४ अर्ब अमेरिकी डलर

सन् २०२० को तेश्रो त्रैमासिकमा दक्षिण कोरियाली इलेक्ट्रोनिक्स कम्पनी सामसुङले साढे ५४ अर्ब अमेरिकी डलर आम्दानी गर्ने एक रिपोर्टले देखाएको छ ।

योनहाप इन्फोम्याक्सले सार्वजनिक गरेको प्रक्षेपण अनुसार वर्षको तेश्रो त्रैमासिकमा कम्पनीले आफ्ना प्रडक्टहरुको बिक्रीबाट हुने आम्दानीमा अघिल्लो त्रैमासिकको तुलनामा उल्लेख्य वृद्धि गर्नेछ भने मुनाफामा पनि वृद्धि हुनेछ ।

कम्पनीको आम्दानीको मुख्य व्यवसायको रुपमा रहेको सेमिकन्डक्टरको बिक्रीदर उच्च रहँदा मेमोरी चिप्सको मूल्य घटे तापनि सामसुङको आम्दानीमा बढोत्तरी भएको हो । त्यस्तै महामारीको यस अवधिमा सामसुङले आफ्ना स्मार्टफोनसँगै घरेलु विद्युतीय सामानहरु समेत विश्व बजारमा उल्लेख्य मात्रामा बेच्न सफल भएको छ ।

जुलाईदेखि सेप्टेम्बर सम्मको अवधिमा सामसुङले कूल ५४ अर्ब ५० करोड डलरका सामानहरु बेच्नेछ । जुन अघिल्लो वर्षको सोही अवधिको तुलनामा ३.१ प्रतिशतले बढी हो ।

त्यस्तै सञ्चालन मुनाफामा भने गत वर्षको तुलनामा यो त्रैमासिकमा ३३.७ प्रतिशतले वृद्धि भई कूल ८ अर्ब ८० करोड पुग्नेछ ।

तेश्रो त्रैमासिकमा सामसुङको आम्दानी दोश्रो त्रैमासिकभन्दा २०.७ प्रतिशतले बढी हो भने सञ्चालन मुनाफा २७.६ प्रतिशतले बढी हो ।

विश्वको अग्रणी मेमोरी चिप तथा स्मार्टफोन उत्पादक कम्पनी सामसुङले आफ्नो तेश्रो त्रैमासिकको आम्दानी प्रतिवेदन आगामी हप्ता सार्वजनिक गर्ने अपेक्षा गरिएको छ ।

तेश्रो त्रैमासिकमा सामसुङका ८ करोड गोटा ग्यालेक्सी स्मार्टफोन बिक्री हुने प्रक्षेपण गरिएको छ, जुन अघिल्लो त्रैमासिकको तुलनामा ५० प्रतिशत बढी हो । त्यस्तै यस अवधिमा अघिल्लो त्रैमासिकको भन्दा ४५ प्रतिशत बढी अर्थात् १ करोड थान ट्याबलेट बिक्री हुनेछन् ।

विश्लेषकका अनुसार तेश्रो त्रैमासिकमा सामसुङको चिप बिजनेसको सञ्चालन मुनाफा ५ ट्रिलियन कोरियन वन पुग्नेछ । त्यस्तै मोबाइल व्यवसायको सञ्चालन मुनाफा ४ ट्रिलियन वन पुग्नेछ । गत त्रैमासिकमा सामसुङको मोबाइल बिजनेसको सञ्चालन मुनाफा १.९५ ट्रिलियन वन थियो ।

विश्वमा महामारीका कारण अधिकांश मानिसहरु वर्क फ्रम होम ढाँचामा रुपान्तरण भैरहेका वा अर्थतन्त्र नै घरभित्र थुनिइरहेका बेला सामसुङले आफ्ना घरेलु उपकरणहरुको बिक्रीदरमा पनि उच्च बढोत्तरी गरेको छ । खासगरी यस अवधिमा सामसुङका टेलिभिजनहरुको बिक्रीदर तीव्र रुपमा बढेको पाइएको छ ।

हालैको एक रिपोर्ट अनुसार सामसुङको प्रभुत्व रहेको विश्वको क्युएलइडी टेलिभिजन बजारमा तेश्रो त्रैमासिकमा २४ लाख ४० हजार गोटा टेलिभिजन बिक्री भएका थिए ।

–एजेन्सी

प्रतिक्रिया :

भर्खरै प्रकाशित

सिटीजन्स बैंक लुटपाट घटना: यसरी बन्यो बैंक लुट्ने योजना

कार्तिक १, विराटनगर।  व्यवसायी श्याम मुखियाले करिब ५ वर्ष अगाडि १० लाख रुपैयाँ ऋण लिएर विराटनगर–६ मा गार्मेन्टको कारोबार सुरु गरे । तर, व्यवसाय राम्ररी नचलेपछि…

राष्ट्रिय क्रिकेट टोलीको मुख्य प्रशिक्षकका लागि आवेदन खुला

काठमाडौँ — नेपाल क्रिकेट संघ(क्यान)ले नेपाली राष्ट्रिय क्रिकेट टोलीको मुख्य प्रशिक्षकका लागि आवेदन खुला गरेको छ । सोमबार क्यानले नेपाली राष्ट्रिय टोलीको मुख्य प्रशिक्षकका लागि आवेदन…

पाल्पामा आयुर्वेद सेवा लिने बढ्दै

रामपुर (पाल्पा), असोज ३१ गते । पाल्पामा आयुर्वेद औषधि सेवा लिने बिरामी बढ्दैछन् । ग्याष्ट्रिक, पेट दुख्ने, खान नरुच्ने जस्ता समस्या भएका बिरामीहरु आयुर्वेद औषधालयमा…

टी–२० विश्वकपको सातौँ संस्करण आजदेखि सुरु हुदै

काठमाडौँ, अशोज ३१ । सातौँ आईसीसी टी–२० विश्वकप आज देखि सुरु हुँदैछ । क्वालिफायर राउन्ड अन्तरगत आज दुई खेल हुनेछन् । समूह बी अन्तरगत ओमान…

चाडबाडले आउजाउ बढ्यो, गाउँमा संक्रमण फैलिने जोखिम

काठमाडौं, २७ असोज । चाडपर्वसँगै कोरोना भाइरस सङ्क्रमणको जोखिम पनि गाउँघरमा हुने भएको छ । चाडपर्व मनाउनमा गाउँघर र बजारमा मानिसको बढ्दो भीडसँगै कोरोना सङ्क्रमणको जोखिम…