विश्वभर कोरोना भाइरसबाट १० महिनामा १० लाखको मृत्यु

siddhartha wheel mart

असोज १३ , काठमाडौँ | कोरोना भाइरस (कोभिड– १९) बाट विश्वभर मृत्यु हुनेको संख्या दश लाख नाघेको छ । चीनको वुहान सहरमा गत डिसेम्बर अन्तिममा पहिलोपटक देखिएको भाइरसले दश महिनाको अवधिमा दश लाख मानिसको ज्यान लिएको हो ।

यसमध्ये सबैभन्दा बढी मृत्यु हुनेको संख्या अमेरिकामा छ । अमेरिकामा मात्रै दुई लाखजनाको भाइरस संक्रमणबाट मृत्यु भएको छ । भाइरस संक्रमणबाट भारत र ब्राजिलमा गरी दुई लाखकै हारामारीमा मृत्यु भएको छ । भाइरस संक्रमण अझ तीव्र बनिरहेको अवस्थामा यो संख्या झनै उकालो लाग्ने देखिन्छ । 

aawash steels

जाडो याम नजिकिँदै गर्दा भाइरस संक्रमण अझ घातक बन्न सक्ने देखिएको छ । युरोपका प्रायः देशहरूमा फेरि संक्रमण संख्या बढ्न थालेपछि त्यसलाई रोक्ने प्रयासस्वरूप कतिपय ठाउँमा लकडाउनको घोषणा गरिएको छ ।

यो समस्याले विश्वभर बेरोजगार र गरिबीको संख्या अझ बढाउने आकलन गरिएको छ । विश्व बैंकको प्रक्षेपणअनुसार एसिया र प्यासिफिकमा मात्रै थप ३८ मिलियन मान्छे यो वर्ष गरिबीको चपेटामा पर्ने जनाइएको छ ।

super kinetic courier

इटालीको फुटबल टोलीमा संक्रमण 
इटालीको गेनोवा फुटबल टोलीले खेलाडी र आफ्नो कर्मचारी गरी १४ जनामा कोरोना भाइरस संक्रमण देखिएको जनाएको छ । गत आइतबार गेनोवाले नेपलेससँग खेलेको थियो । नेपलेस इटालीमा धेरै संक्रमण भएको क्षेत्र हो । खेलाडी र टोलीका सदस्यलाई संक्रमण देखिएपछि गेनोवाको खेल आगामी खेल पछि सर्ने भएको छ ।

क्यानसिनो भ्यासिन बालबालिकामा परीक्षण गरिने
कोरोना भाइरसविरुद्धको भ्यासिन निर्माण गरिरहेको चीनको क्यानसिनो बायोलजिक्स इन्कले दोस्रो चरणको परीक्षण गर्दै छ । दोस्रो चरणको परीक्षणमा चार सय ८१ स्वयमंसेवी सहभागी हुँदै छन् । यसमा ६ देखि १८ वर्षसम्मका बालबालिका पनि सहभागी हुँदै छन् । यस्तै, ५६ वर्ष र योभन्दा बढी उमेरका व्यक्ति पनि परीक्षणमा सहभागी हुँदै छन् । यो कम्पनीले इबोलाविरुद्धको भ्यासिन पनि निर्माण गरेका थियो । उक्त भ्यासिनको परीक्षणमा सहभागी भएका व्यक्तिहरू पनि यो परीक्षणमा सहभागी हुँदै छन् ।

फिलिपिन्समा अनिच्छुक गर्भाधान बढ्यो
कोरोना भाइरस संक्रमण रोकथामका लागि जारी लकडाउनका कारण फिलिपिन्समा अनिच्छुक गर्भाधान बढेको देखिएको छ । यो वर्षको अन्त्यसम्म भाइरस संक्रमणका कारण लकडाउन जारी रहे फिलिपिन्समा अनिच्छुक गर्वाधान आधा वा २६ लाखले बढ्ने अनुमान संयुक्त राष्ट्रसंघ जनसंख्या कोषले जनाएको छ । क्वारेन्टिन वासका कारणले फिलिपिन्समा महिना दिनमा ६० जना सुत्केरीको मृत्यु भएको पनि कोषले जनाएको छ ।

पछिल्लो सात हप्तामा दक्षिण कोरियामा घट्दो संक्रमण 
दक्षिण कोरियामा पछिल्लो २४ घन्टामा ३८ नयाँ संक्रमण सार्वजनिक गरेको छ । यसको अघिल्लो दिन मात्रै ५० नयाँ संक्रमण देखिएको थियो । यो संख्या दक्षिण कोरियामा पछिल्लो सात सातायताकै कम भएको जनाइएको छ ।

मेक्सिकोमा मृत्यु हुनेको संख्या बढ्दो 
मेक्सिकोले तीन हजार चार सय नयाँ संक्रमण संख्या देखाएको छ । यससँगै देशमा संक्रमितको संख्या सात लाख ३३ हजार नाघेको छ । मेक्सिकोमा मृत्यु हुनेको संख्या पनि बढिरहेको छ । मेक्सिकोमा १७ हजारभन्दा बढीको मृत्यु भएको छ । –एजेन्सीको सहयोगमा

प्रतिक्रिया :
NK suppliers

भर्खरै प्रकाशित

नेपाली सेनाले विश्वकै दोस्रो अग्लो पाकिस्तानको केटु हिमाल आरोहण गर्ने…

काठमाडौं,फाल्गुन १२ । नेपाली सेनाले विश्वकै दोस्रो अग्लो पाकिस्तानको केटु हिमाल आरोहण गर्ने नेपाली टोलीका सदस्यहरुलाई सम्मान गरेको छ। प्रधानसेनापति पूर्णचन्द्र थापाले बुधबार जंगी अड्डामा…

प्रधानमन्त्री ओलीले सर्वोच्च अदालतको फैसलालाई सामान्य रुपमा लिएको बताए

काठमाडौं,फाल्गुन १२ । प्रधानमन्त्री केपी शर्मा ओलीले सर्वोच्च अदालतको फैसलालाई सामान्य रुपमा लिएको बताएका छन्। बुधबार ‘नेपालको माटोको डिजिटल नक्सा सार्वजनिक’ कार्यक्रममा बोल्दै प्रधानमन्त्री ओलीले…

प्रचण्ड र नेपाल देउवालाई भेट्न बुढानिलकण्ठस्थित उनको निवास जाने

काठमाडौं, फाल्गुन १२ । नेकपाका अध्यक्षद्वय पुष्पकमल दाहाल प्रचण्ड र माधवकुमार नेपाल कांग्रेस सभापति शेरबहादुर देउवालाई भेट्न बुढानिलकण्ठस्थित उनको निवास जान लागेका छन्। सर्वोच्च अदालतले…

कुन राशिलाई आज कति लाभ, हेर्नुहोस आजको राशिफल :फागुन १२

२०७७ फागुन १२ गते, बुधवार, २४ फेब्रुअरी २०२१। माघ शुक्लपक्ष द्वादशी तिथि (१५:५६ बजेदेखि त्रयोदशी), पुनर्वशु नक्षत्र (११:२६ बजेदेखि तिष्य), चन्द्रराशि– कर्कट। मेष – ARIES…

ओलीपक्षीय नेकपाको स्थायी कमिटी बैठक आज बालुवाटारमा बस्दै

काठमाडौं, फाल्गुन १२ । पछिल्लो राजनीतिक घटना क्रमबारे छलफल गर्न प्रधानमन्त्री केपी ओलीपक्षीय नेकपाको स्थायी कमिटी बैठक आज बालुवाटारमा बस्दै छ। बुधबार बिहान ११ बजे…