कुखुराको मासुको मुल्य वृद्धि, कति पुग्यो त आज ?

काठमाडौं, असोज ३ । कोरोना भाइरस संक्रमण रोकथाम तथा नियन्त्रणका लागि सरकारले लगाएको निषेधाज्ञाको समयमा निरन्तर रुपमा घट्दै आएको कुखुराको मासुको मूल्य एक सातामा १५ रुपैयाँले वृद्धि भएको छ ।

सरकारले लगाएको तीन साता लामो निषेधाज्ञा एक साता अगाडिदेखि अन्त्य भएसँगै उपत्यकामा नेपालीहरुको महान चार्ड दशैं नजिकिएको तथा लकडाउन तथा निषेधाज्ञाको अन्त्यले होटल तथा रेस्टुरेण्टहरू सञ्चालनमा आएको र सोह्रश्राद्ध पनि सकिएकाले बजारमा कुखुराको खपत बढ्न थालेकाले बजारमा यही मौका व्यवसायीले बोइलर कुखुराको मासुको मूल्यबृद्धि गरेका छन् ।

पछिल्लो दुई महिनादेखि उपभोक्ताले बजारमा खाद्यबस्तु तथा तरकारीको मूल्य बढी रहेको छ । एक सातादेखि भारतबाट आयात हुने प्याज भारतले प्रतिबन्ध लगाएकाले नेपाली बजारमा प्याजको मूल्यबृद्धि तथा कालोबजारी समेत बढेको छ भने उपभोक्ता मूल्यबृद्धिको मारमा परेका छन् ।

शनिबारदेखि लागू हुने गरी पोल्ट्री संघले जिउँदो कुखुरा प्रतिकेजी १० रुपैंयाँ र तयारी मासुमा १५ रुपैयाँले मूल्य बढाएको पोल्ट्री संघका अध्यक्ष जंगबहादुर वीसीले बताएका छन् । उनका अनुसार अहिले बजारमा कुखुराको मासुको मागका बढेका तर माग बढेको तुलनामा आपूर्ति घट्दै गएकाले मासुको मूल्य केही बढेको छ । उनले भने,‘पछिल्लो समय उत्पादित कुखुराको लट सकिन थालेपछि मूल्य बढ्नु स्वाभाविक हो ।’

बीचमा भाउ घट्न थाल्दा कुखुरापालकले खोरमा चल्ला हाल्नै कम गरेका थिए, त्यसैले यतिबेला कुखुरा माग भन्दा कम आउन थालेको थियो । अहिले पोल्ट्री व्यवसायीले बेच्ने जिउँदो कुखुराको मूल्य प्रतिकेजी एक सय ९० रुपैयाँ छ भने मासुको उपभोक्ता मूल्य २ सय ७० रुपैयाँ कायम भएको पोल्ट्री संघले जनाएको छ ।

गत साता प्रतिकेजी १५ रुपैयाँ बढेर २ सय ५५ रुपैयाँमा उपभोक्ताले खरिद गर्दै आएका थिए । गत महिना मागभन्दा उत्पादन बढी हुँदा मूल्य घटेर प्रतिकेजी २ सय ४० रुपैयाँ र जिउँदो कुखुरा प्रतिकेजी १ सय ७० रुपैयाँ भएको थियो ।

असारमा उत्पादन कम भएका कारण बजारमा मासुको मूल्य बढेर प्रतिकेजी ३ सय ९० रुपैयाँसम्म पुगेको थियो । गत बिहीबारदेखि निषेधाज्ञा अन्त्य भएको र सरकारले होटल तथा रेस्टुरेण्टहरु खोल्न दिएकाले कुखुराको मासुको खपत बढ्दै गएको छ ।

प्रतिक्रिया :

भर्खरै प्रकाशित

चाडबाडले आउजाउ बढ्यो, गाउँमा संक्रमण फैलिने जोखिम

काठमाडौं, २७ असोज । चाडपर्वसँगै कोरोना भाइरस सङ्क्रमणको जोखिम पनि गाउँघरमा हुने भएको छ । चाडपर्व मनाउनमा गाउँघर र बजारमा मानिसको बढ्दो भीडसँगै कोरोना सङ्क्रमणको जोखिम…

कोरोना भाइरसको उत्पत्तिबारे अनुसन्धान गर्न डब्लूएचओद्वारा कार्यदल गठन

काठमाडौं, २८ असोज । विश्व स्वास्थ्य संगठन(डब्लूएचओ)ले कोभिड–१९ को उत्पत्ति पत्ता लगाउन कार्यदल गठन गरेको छ । साइन्टिफिक एड्भाइजरी ग्रुप अफ द ओरिजिन्स अफ नोभल पाथोजेन्स…

फाइनल नेपालका लागि मेरो अन्तिम खेल हुनेछ : अल्मुताइरी

काठमाडौं, २८ असोज । नेपाली फुटबल टोलीका मुख्य प्रशिक्षक अब्दुल्लाह अल्मुताइरीले साफ च्याम्पियनसीपको फाइनलपछि नेपाल नफर्किने बताएका छन् । आफूले यस अघि नै राजीनामा दिइसकेको बताउँदै…

उत्तर कोरियाका बालबालिका र ज्येष्ठ नागरिकहरू ‘भोकमरीको जोखिममा’

काठमाडौं, २८ असोज । संयुक्त राष्ट्रसंघका एक विज्ञले उत्तर कोरियाका कमजोर बालबालिका र ज्येष्ठ नागरिकहरू भोकमरीको जोखिममा रहेका बताएका छन् । उत्तर कोरियाको लागि मानव अधिकार…

नक्कली नोटको कारोबार : दुई जना पक्राउ परेपछि थप पाँच…

धनकुट्टा, २८ असोज । जिल्ला प्रहरी कार्यालय धनकुटाले नक्कली नोटको कारोबारमा संलग्न सात जनाको समूहलाई पक्राउ गरेको छ । असोज ११ गते धनकुटाकै मूलघाटबाट २८ हजार…