विश्वका ४० प्रतिशत गन्तव्य पर्यटकका लागि खुला

siddhartha wheel mart

नेपालको पर्यटन क्षेत्रमा आन्तरिक मात्र नभएर विदेशी पर्यटकलाई पनि खुला गर्नुपर्ने प्रस्ताव संस्कृति, पर्यटन तथा नागरिक उड्डयन मन्त्रालयले गरेको छ । अब गैरआवासीय नेपाली र विदेशी पर्यटकलाई समेत स्वास्थ्य प्रोटोकल पूरा गरी नेपाल आउन अनुमति दिने प्रस्ताव पर्यटनमन्त्री योगेश भट्टराईले सिसिएमसी बैठकमा राखेको बताए । उनले भने, ‘पर्यटन क्षेत्रले ६ महिनाभन्दा लामो समय धैर्य गरेको छ । अब पर्यटकलाई भिœयाएर सहजतातिर जानुपर्छ ।’ अन्तर्राष्ट्रिय उडानमा समेत खुकुलो बनाउने गरी प्रस्ताव पठाएको उनले बताएका छन् । ६ महिनाभन्दा बढी बन्द पर्यटन क्षेत्रबाट हालसम्म १ खर्ब ५० अर्ब आम्दानी गुमेको अनुमान गरिएको छ । 

गत १७ भदौदेखि नियमित उडान खुले तापनि पर्यटक र गैरआवासीय नेपालीलाई आउन प्रतिबन्ध जारी छ । पिसिआर रिपोर्ट लिएर आउने गैरआवासीय नेपाली र विदेशी पर्यटकलाई खुला गरेर अर्थतन्त्र जोगाउने बाटोमा लाग्नुको विकल्प नभएको भन्दै सरोकारवाला निकायहरूले सरकारको ध्यानाकर्षण गराउँदै आएका छन् । 

aawash steels

कोभिड–१९ को संक्रमणका बीच विश्वभरका पर्यटन गन्तव्यहरू पुनः सुचारु हुन थालेका छन् । संक्रमणसँगै विश्व नै प्रायः ठप्प रहेकोमा अहिले ४० प्रतिशत देशहरूले अन्तर्राष्ट्रिय पर्यटकलाई खुला गरिसकेका छन् । अन्य देशहरू पनि खुलाउने तरखरमा लागेको विश्व पर्यटन संगठन (युएनडब्लुटिओ)ले जनाएको छ । संगठनले जुलाई ३० सम्ममा ८७ देशले पर्यटन गन्तव्य खुला गरेको जनाएको छ । 

संगठनका अनुसार कोभिड–१९ को संक्रमणसँगै गत १५ जुनसम्म ३ प्रतिशत गन्तव्य मात्रै खुला रहेको थियो । त्यस्तै, १९ जुलाईसम्म २२ प्रतिशत गन्तव्यहरू खुला भइसकेका थिए । संगठनका अनुसार १ सेप्टेम्बरसम्म आइपुग्दा ४० प्रतिशत गन्तव्यहरू खुला भएका छन् । अहिले पनि १ सय १५ देशले अन्तर्राष्ट्रिय सीमानाका बन्द गरेर पर्यटनमाथि प्रतिबन्ध जारी राखेका छन् । जुन जम्मा गन्तव्यको ५३ प्रतिशत हो । संगठनका अनुसार ७ प्रतिशत गन्तव्यहरू भने केही खुकुलो हुँदै गएका छन् ।

super kinetic courier

 जिम्मेवार भएर पुनः सुरु गर्न सम्भव
गन्तव्यहरूको प्रतिबन्ध कम गर्न अन्तर्राष्ट्रिय सहयोग महत्वपूर्ण रहेको युएनडब्लुटिओका महासचिव जुराब पोलिकासिविलीले बताए । यसरी नै विश्व पर्यटनले जनताको विश्वास र अत्यावश्यक आधारशिला प्राप्त गर्न सक्ने उनको भनाइ छ । महासचिव पोलिकासिविलीले भने, ‘विश्वले अहिले सामना गरिरहेका नयाँ वास्तविकतामा अनुकूल हुनका लागि मिलेर काम गरिरहेका छौँ ।’ 

युएनडब्लुटिओको रिपोर्टअनुसार पर्यटनमा उच्च निर्भरता भएका गन्तव्यहरूले यात्रामा प्रतिबन्ध सहज पार्ने सम्भावना बढी छ । हालसालै प्रतिबन्धलाई कम गरेका ८७ वटा गन्तव्यहरूमध्ये २० साना टापु विकास राज्यहरू हुन्, जसमध्ये धेरै पर्यटनमा निर्भर रहेका छन् । रोजगार, आर्थिक वृद्धि र विकासको केन्द्रीय स्तम्भ प्रतिवेदनअनुसार प्रतिबन्ध कम भएका ती गन्तव्य स्थानहरूमा करिब आधा युरोपमा रहेका छन् । जसले पर्यटन पुनः सुरु गर्न यस क्षेत्रको अग्रणी भूमिका पुष्टि गरेको समेत उल्लेख गरिएको छ । 

धेरै गन्तव्यहरू अझै पनि दीर्घकालीन लकडाउनमा

अझै पनि १ सय १५ गन्तव्यको अन्तर्राष्ट्रिय पर्यटनमा पूर्ण प्रतिबन्ध छ । रिपोर्टका अनुसार अधिकांश देशहरूले १२ हप्ताभन्दा बढी समयदेखि अन्तर्राष्ट्रिय पर्यटन पूर्ण रूपमा बन्द जारी राखेका छन् । कोभिड–१९ का कारण विश्वको पर्यटन क्षेत्रले हालसम्म ३ सय २० अर्ब डलरभन्दा बढी आम्दानी गुमाइसकेको छ । जुन सन् २००९ को भन्दा तीन गुणा बढी भएको समेत युएनडब्लुटिओले जनाएको छ । 

कहाँ, कति बन्द ? 
हालसम्म सबैभन्दा बढी प्रतिबन्ध अफ्रिकन मुलुकमा रहेको छ । जसमा ७० प्रतिशत क्षेत्रमा अझै पनि प्रतिबन्ध जारी राखिएको छ । त्यसपछि एसियाली मुलुकहरूमा ६३ प्रतिशत गन्तव्य अझै बन्द जारी राखिएको छ । अमेरिकन देशहरूमा ५५ प्रतिशत गन्तव्यमा अझै प्रतिबन्ध जारी छ । सबैभन्दा बढी खुला भने युरोपले गरेको छ । अहिले युुरोपमा २० प्रतिशत गन्तव्यमा मात्रै प्रतिबन्ध लगाइएको छ । बाँकी ८० प्रतिशत गन्तव्य खुला गरिएको छ । त्यस्तै, मिडिलइस्ट गन्तव्यमा पनि ७७ प्रतिशत गन्तव्यमा प्रतिबन्ध जारी राखिएको छ । 

प्रतिक्रिया :
NK suppliers

भर्खरै प्रकाशित

पूर्वसूचना तथा सञ्चारमन्त्री गोकुल बाँस्कोटालाई पितृशोक

काठमाडौं,फाल्गुन १८। पूर्वसूचना तथा सञ्चारमन्त्री गोकुल बाँस्कोटालाई पितृशोक परेको छ। बाँस्कोटाका पिता हरिप्रसादको मंगलबार साँझ आफ्नै निवासमा निधन भएको उनका छोरीतर्फका नाति सरोज पौडेलले बताए।…

सपनाले सुरु गरिन् पढाइ

काठमाडौं,फाल्गुन १८ । बीबीसीको १०० प्रभावशाली महिलाको सूचीमा परेपछि चर्चाको शिखरमा पुगिन् सपना रोक्का मगर। तैपनि उनका केही सपना किनारमै छुटेका थिए। त्यसमध्ये एक थियो…

अमेरिकी उपराष्ट्रपति कमला ह्यारिसको किताब नेपालीमा भाषामा प्रकाशन गर्ने अनुमति

काठमाडौं, फाल्गुन १८ । अमेरिकी उपराष्ट्रपति कमला ह्यारिसको किताब ‘वी रिड’ले नेपालीमा भाषामा प्रकाशन गर्ने अनुमति पाएको छ। वी रिडबाट प्रकाशित प्रेस विज्ञप्ति जारी गरी…

विप्लव समूहले पनि वार्ता समिति बनाउँदै

काठमाडौं, १८ फागुन । प्रतिबन्धित नेत्रविक्रम चन्द ‘विप्लव’ नेतृत्वको नेपाल कम्युनिष्ट पार्टीसँग वार्ता गर्न सरकारले गृहमन्त्री रामबहादुर थापा ‘बादल’ को नेतृत्वमा समिति गठन गरेर छ ।…

ताप्लेजुङको दोभान बजारमा भीषण आगलागी

ताप्लेजुङ,फाल्गुन १८ । ताप्लेजुङको मेरिङ्देन गाउँपालिका—३ मा रहेको दोभान बजारमा भीषण आगलागी भइरहेको छ। मंगलबार बिहान १० बजे भोला पौडेलको घरबाट विद्युत् चुहिएर सुरु भएको…