५ महिनामा देशभर २ हजार ४६ महिला हिंसाका घटना

siddhartha wheel mart

२३ भदौ, वीरगञ्ज । कोरोना महामारी शुरु भएयताका ५ महिनामा देशभर महिला हिंसा तथा मानव अधिकार उलंघनका २ हजार ४६ वटा घटना भएका छन् ।

शान्तिका लागि साझा अभियान (कोक्याप) ले प्रदेश २ का प्रदेश सभा सदस्य महिला तथा महिला अधिकारकर्मीसँगको भर्चुअल छलफलमा यो तथ्यांक सार्वजनिक गरेको हो ।

aawash steels

कोक्यापको तथ्याङ्क अनुसार प्रदेश नं २ मा सबैभन्दा बढी ४ सय ७० वटा महिला हिंसा तथा मानव अधिकार उलंघनका घटना भएका छन् । पर्सामा ८६, बारामा ४२, रौतहटमा ५३, सर्लाहीमा २९, महोत्तरीमा २८, धनुषामा १ सय, सिराहामा ६७ र सप्तरीमा ६४ वटा महिला हिंसा र मानव अधिकार उल्लंघनका घटना भएका हुन् ।

बागमती प्रदेशमा ४ सय ४४ वटा, प्रदेश नं १ र ५ मा ३ सय ६ वटा, गण्डकी प्रदेशमा १ सय ५२, कर्णाली प्रदेशमा १ सय ४३, सुदुर पश्चिम प्रदेशमा २ सय २५ वटा घटना भएका छन् ।

super kinetic courier

देशभर १ हजार २ सय १ हिंसात्मक घटना भएकोमा १ सय ९८ जनाको मृत्यु भएको छ भने ९ सय ६ जना घाइते भएका छन् । प्रदेश २ मा २ सय ९५ वटा हिंसात्मक घटनामा ८४ जनाको मृत्यु भएको छ भने ४ सय ८६ जना घाइते भएका छन् ।

प्रदेश २ मा लैंगिक हिंसाका मात्रै १ सय ११ वटा घटना बाहिरिएका छन् । २१ जना महिला मृत भेटिँदा, दाइजो नल्याएको निहुँमा तीन जना महिलाको हत्या भएको छ, घरेलु हिंसाका कारण ९ जना महिलाले ज्यान गुमाएकी छिन् । यौन दुव्र्यबहारका ८३ घटना र बलात्कारका ६८ घटना बाहिरिएको कोक्यापकी कार्यक्रम अधिकृत अर्पणा श्रेष्ठले जानकारी दिइन् ।

‘सञ्चारमाध्यममा आएका र प्रहरी कार्यालयमा दर्ता भएका घटनालाई हामीले लिएका छौं’ श्रेष्ठले भनिन् ‘ बाहिर नआएका घटना पनि धेरै नै हुन सक्छ, किनकी घरेलु हिंसा र यौन दुर्व्यवहाराक घटना कमै मात्र बाहिर आउने गरेको छ ।’

प्रदेश सभा सदस्य डा. रिना यादवले महिला स्वयंले नलडेसम्म विभेद र थिचोमिचो कायम रहने बताइन् । ‘हामी महिला सहन्छौं, चुप लाग्छौं, क्षमा पनि छिटो दिन्छौं, त्यसैकारण पछाडि परेका छौं ।’ डा. यादवले भनिन् ‘घर परिवारसँग बोल्यौं, समाजमा पुग्यौं, समाजबाट अहिले सदनमा आएका छौं । हामीले सहेर बसेको भए अहिले घरमै त हुन्थ्यौं ।’

अर्की प्रदेश सभा सदस्य मञ्जु यादवले देशमा तीन तहको सरकार आए पनि स्थितिमा सुधार आउन नसकेको बताइन् । महोत्तरीमै जन्मी, हुर्की विवाह गरेकी एउटी दलित महिलालाई नागरिकता दिलाउन १२ वर्ष संघर्ष गर्नुपरेको सुनाउँदै उनले सरकारले नै महिला माथि विभेद गरेको बताइन् ।

प्रदेश सभा सदस्य शोभा लामाले महिला हिंसा र मानव अधिकार उलंघन गर्नेलाई कारबाही हुनुपर्ने बताइन् ।

प्रतिक्रिया :
NK suppliers

भर्खरै प्रकाशित

नेपालको आफ्नै भू–उपग्रह राख्न अध्ययनका लागि पाँच कम्पनी छनोट

काठमाडौं,फाल्गुन २४ । नेपालको आफ्नै भू–उपग्रह (स्याटेलाइट) राख्न आवश्यक अध्ययनका लागि पाँच कम्पनी छनोट (सर्टलिस्ट)मा परेका छन्। स्याटेलाइटको अध्ययन गर्न नौ कम्पनीले आशयपत्र बुझाएकामा नेपाल…

नयाँ परिस्थितिबारे नेपाल पक्षका पूर्वएमाले नेताहरुले आपसी छलफल

काठमाडौं,फाल्गुन २४ । सर्वोच्च अदालतको फैसलापछि सिर्जित नयाँ परिस्थितिबारे माधवकुमार नेपाल पक्षका पूर्वएमाले नेताहरुले आपसी छलफल गरेका छन्। नेपाल कम्युनिष्ट पार्टी (नेकपा) को स्थायी समिति…

प्रदेश नम्बर २ सरकारले २० हजार छात्रालाई साइकल वितरण गर्ने

काठमाडौं,फाल्गुन २४ । प्रदेश नम्बर २ सरकारले ‘मुख्यमन्त्री बेटी पढाऊ, बेटी बचाऊ’  कार्यक्रमअन्तर्गत पुनः २० हजार छात्रालाई साइकल वितरण गर्ने भएको छ। सामुदायिक विद्यालयमा कक्षा…

बलिउड अभिनेता मिथुन चक्रवर्ती भारतीय जनता पार्टीमा प्रवेश

काठमाडौं,फाल्गुन २४ । बलिउड अभिनेता मिथुन चक्रवर्ती भारतीय जनता पार्टी (भाजपा)मा प्रवेश गरेका छन् । आइतबार पश्चिम बंगलामा आयोजित प्रधानमन्त्री नरेन्द्र मोदीको चुनावी सभाअघि अभिनेता…

मोरङमा करेन्ट लागेर सहचालकको मृत्युु

मोरङ,फाल्गुन २४ । मोरङ बेलबारी नगरपालिका ७ का २४ वर्षीय आशिस मग्रातीको करेन्ट लागेर मृत्यु भएको छ। आइतबार राति ९ बजे दुहबी २ स्थितमा रहेको…