कोरोना अपडेट : मकवानपुरमा ४ सय ८ जना कोरोनालाई जितेर घर फर्किन सफल

मकवानपुर , भदौ २१ । मकवानपुरमा कोरोनाबाट निको हुनेको संख्या बढेको छ । हालसम्म ४ सय ८ जना संक्रमित निको भएर घर फर्किएको जनस्वास्थ्य कार्यालय हेटौंडाले जानकारी दिएको छ ।

स्वास्थ्य कार्यालयका अनुसार जिल्लामा हालसम्म ५ सय ८४ जनामा कोरोना संक्रमण पुष्टि भएको छ ।
‘साउन अन्तिम सातादेखि संक्रमित दैनिक बढिरहेका हुन् । कोरोना संक्रमणबाट पछिल्लो समय संक्रमित बढिरहँदा निको हुने पनिको संख्या पनि बढिरहेको छ,’ स्वास्थ्य कार्यालयका प्रमुख प्रणय उपाध्यायले भने । उनका अनुसार मकवानपुरमा १६ भदौदेखि आइतबारसम्म ८२ जना कोरोना मुक्त भइसकेका छन् ।

कोरोनामुक्त भएकाहरु सरकारले सञ्चालन गरेको आइसोलेसन वार्ड र आफ्नै घरमा उपचाररत थिए । उनका अनुसार यसअवधिमा २३ महिनाकी बालिका र ९३ वर्षीया वृद्धा समेत कोरोनामुक्त भएका छन् ।

हाल मकवानपुरमा सक्रिय संक्रमितको संख्या १ सय ७६ रहेको छ । जसमध्ये ६० जना आइसोलेसन वार्डमा बसिरहेका छन् । गौरिटार आइसोलेसनमा ५६ र कर्रामा १, मनहरी आइसोलेसनमा ३ जना उपचाररत छन् । मकवानपुरमा १ सय १३ जना संक्रमित स्वास्थ्यकर्मीसागको नियमित सम्पर्कमा रहेर होम आइसोलेसनमा बसिरहेका छन् । जसमध्ये हेटौंडा उपमहानगरपालिकाका १ सय १० र मकवानपुरगढी गाउँपालिकाका ३ जना छन् । उपचाररत संक्रमितहरुको स्वास्थ्य अवस्था सामान्य रहेको कार्यालयले जनाएको छ ।

हेटौंडा–४ मा रहेको आइसोलेसनमा ४० बेडको र हेटौंडा–६, गौरीटारमा १२० बेडको आइसोलेसन वार्ड सञ्चालन भइरहेका छन् । केही गाउँपालिकाहरुले आफैं आइसोलेसन वार्ड सञ्चालनमा ल्याएका छन् ।

प्रतिक्रिया :

भर्खरै प्रकाशित

सिटीजन्स बैंक लुटपाट घटना: यसरी बन्यो बैंक लुट्ने योजना

कार्तिक १, विराटनगर।  व्यवसायी श्याम मुखियाले करिब ५ वर्ष अगाडि १० लाख रुपैयाँ ऋण लिएर विराटनगर–६ मा गार्मेन्टको कारोबार सुरु गरे । तर, व्यवसाय राम्ररी नचलेपछि…

राष्ट्रिय क्रिकेट टोलीको मुख्य प्रशिक्षकका लागि आवेदन खुला

काठमाडौँ — नेपाल क्रिकेट संघ(क्यान)ले नेपाली राष्ट्रिय क्रिकेट टोलीको मुख्य प्रशिक्षकका लागि आवेदन खुला गरेको छ । सोमबार क्यानले नेपाली राष्ट्रिय टोलीको मुख्य प्रशिक्षकका लागि आवेदन…

पाल्पामा आयुर्वेद सेवा लिने बढ्दै

रामपुर (पाल्पा), असोज ३१ गते । पाल्पामा आयुर्वेद औषधि सेवा लिने बिरामी बढ्दैछन् । ग्याष्ट्रिक, पेट दुख्ने, खान नरुच्ने जस्ता समस्या भएका बिरामीहरु आयुर्वेद औषधालयमा…

टी–२० विश्वकपको सातौँ संस्करण आजदेखि सुरु हुदै

काठमाडौँ, अशोज ३१ । सातौँ आईसीसी टी–२० विश्वकप आज देखि सुरु हुँदैछ । क्वालिफायर राउन्ड अन्तरगत आज दुई खेल हुनेछन् । समूह बी अन्तरगत ओमान…

चाडबाडले आउजाउ बढ्यो, गाउँमा संक्रमण फैलिने जोखिम

काठमाडौं, २७ असोज । चाडपर्वसँगै कोरोना भाइरस सङ्क्रमणको जोखिम पनि गाउँघरमा हुने भएको छ । चाडपर्व मनाउनमा गाउँघर र बजारमा मानिसको बढ्दो भीडसँगै कोरोना सङ्क्रमणको जोखिम…