युनिभर्सल मेडिकल कलेज भैरहवामा ‘कोरोना अस्पताल’

१८ भदौ, बुटवल । युनिभर्सल मेडिकल कलेज भैरहवा अस्पतालले नियमित सेवालाई निरन्तरता दिदै सशुल्क कोरोना संक्रमितको उपचार गर्ने भएको छ ।

प्रदेश सरकारको सामाजिक विकास मन्त्रालयले मेडिकल कलेजलाई कोरोना संक्रमितको उपचारका लागि निश्चित बेड संख्या छुट्टाउन यसअघि नै लिखित निर्देशन दिएको थियो ।

मेडिकल कलेजले चारवटा भेन्टिलेटरसहित एक सयभन्दा बढी बेड कोरोना संक्रमितहरुको उपचारका लागि छुट्याएर उपचार गर्न तयार भएको जनाएको छ ।

फिभर क्लिनिकदेखि शल्यक्रियासम्म अलग्गै उपचार गर्ने गरी बेडहरु व्यवस्थापन गरिएको कलेजका प्रशासन प्रमुख तेज केसीले बताए ।

कोरोना शंकास्पद बिरामीहरुका लागि फिबर क्लिनिक, २ बेड भेन्टिलेटरसहित ३० बेडको आकस्मिक आइसोलेसन कक्ष, ३ वटा आकस्मिक शल्यक्रिया कक्ष, ३० बेडको प्रतिक्षा कक्षको छुट्टै व्यवस्थापन गरिएको केसीले बताए ।

यस्तै कोरोना संक्रमितका लागि ५० बेडको २ वटा आइसोलेसन वार्ड व्यवस्था गरिएको उनले बताए । गम्भीर अवस्थाका संक्रमित बिरामीहरुका लागि २ वटा भेन्टिलेटरसहित ८ बेडको आईसीयु कक्षको पनि व्यवस्था गरिएको मेडिकल कलेजका जनसम्पर्क अधिकृत सुशील गुरुङले बताए ।

कोरोना शंकास्पद र संक्रमितको उपचार हुने स्थान अलग्गै भएकाले अन्य बिरामीको उपचारमा बाधा र संक्रमण फैलिने वा सर्ने कुनै सम्भावना नरहेको गुरुङको दाबी छ ।

कोरोना संक्रमण दर बढ्दै गएकाले संस्थागत उत्तरदायित्व बहन गर्दै कोरोना संक्रमितको उपचार सुरु गर्न लागेको मेडिकल कलेजका प्रबन्ध निर्देशक खुमा अर्यालले बताए ।

प्रतिक्रिया :

भर्खरै प्रकाशित

२० देशमा भेटियो कोरोनाको नयाँ भेरियन्ट ‘ओमिक्रोन’, नेपालमा पनि थालियो…

काठमाडौं, १५ मंसिर । कोरोना भाइरसको नयाँ भेरियन्ट विश्वका विभिन्न २० देशमा देखिएको रिपोर्ट बाहिर आएको छ । दक्षिण अफ्रिकामा सबैभन्दा पहिला रिपोर्ट भएको यो भेरियन्टका…

सर्वोच्चमा आजदेखि गोलाप्रथा

काठमाडौं, १५ मंसिर । सर्वोच्च अदालतमा आज (बुधबार) देखि गोलाप्रथा प्रणाली कार्यान्वयन हुँदैछ । प्रधानन्यायाधीशको विशेषाधिकार अन्त्य गर्दै न्यायाधीशले नै गोला तानेर इजलास र पेसी तोक्ने अभ्यास…

प्रहरी नियमावली संशोधन : एकै पटक साढे १७ हजार प्रहरीको…

काठमाडौं, १५ मंसिर । प्रहरी नियमावली संशोधन गरेर सिर्जना गरिएका वरिष्ठ सइ, वरिष्ठ हवल्दार र सहायक हवल्दार पदमा एकैपटक १७ हजार पाँच सय १७ प्रहरी बढुवा…

एमसीसी जस्ताको त्यस्तै पास गर्ने पक्षमा छैनौं : नारायणकाजी श्रेष्ठ

पोखरा, ११ मंसिर । नेकपा माओवादी केन्द्रका नेता नारायणकाजी श्रेष्ठले अमेरिकी मिलेनियम च्यालेञ्ज कर्पोरेसन (एमसीसी) जस्ताको त्यस्तै पास गर्ने पक्षमा आफ्नो पार्टी नरहेको बताएका छन् ।…

सौराहामा एमाले महाधिवेशनको बन्द सत्र शुरु

चितवन, ११ मंसिर । नेकपा (एमाले) को १० औं राष्ट्रिय महाधिवेशन अन्तर्गतको बन्द सत्र सचितवन सौराहामा शुरु भएको छ । निर्धारित समयभन्दा धेरै ढिलो गरी बन्द…