हुम्लामा भिषण आगलागीबाट ६ घर जलेर नष्ट

हुम्ला, १८ भदाै । हुम्ला जिल्लाको सर्केगाड गाउँपालिका वडा नं. ७ रोडिकोटको ठूलो गाउँमा बुधबार राति भीषण आगलागी भएको छ । आगलागीबाट ६ घर पुर्ण रुपमा जलेर नष्ट भएका छन् भने १५ घरमा आंशिक क्षति भएको घटनास्थलमा रहेका ७ नं. वडाका वडा अध्यक्ष कृष्ण प्रसाद जैशीले बताए ।

आगलागीबाट सर्केगाड गाउँपालिका वडा नं. ७ ठुलागाउँको बाहुन बाडामा रहेका जोखे जैशी, हरिभक्त जैशी, अपिलाल जैशी, देवीसिंह जैशी, रुपकला जैशी र मथन जैशीका ६ घर पुर्ण रुपमा जलेका छन् । अन्य १५ घरमा आंशिक क्षति भएको वडा अध्यक्ष जैशीले बताए ।

रोडिकोट ठुला गाउँको बाहुन दग्डामा रहेको जोख्या जैशीको घरबाट सल्किएर गाउँका अन्य घरमा फैलिएको आगो राति १२ बजे मात्र नियन्त्रणमा आएको वडाध्यक्ष जैशीले जानकारी दिए । सबै घरसँगै जोडिएकाले आगो निभाउन सँगै जोडिएका केही घरको बीचमा भत्काउनु परेको उनले बताएका छन् ।

गाउँमा लागेको आगो नियन्त्रणका लागि गाउँले सबै जम्मा भएर लागिपरेका थिए, साँझ ६ बजे लागेको आगो राति १२ बजेपछि मात्रै नियन्त्रणमा लिन सकिएकाे थियाे ।

आगलागी भएपछि नियन्त्रणका लागि सर्केघाड गाउँपालिको केन्द्र सर्केगाडबाट प्रहरीको टोली पनि परिचालन गरिएको हुम्ला प्रहरी प्रमुख डिएसपी सुर्य प्रसाद सुवेदीले बताए । घटनास्थलमा प्रहरी पुगे पनि राति भएकाले आग्लागीबाट केकति क्षति भयो, त्यसको यकिन विवरण आउन बाँकी रहेकाे प्रहरी प्रमुख डिएसपी सुवेदीले बताए ।

आगलागी स्थल जिल्ला सदरमुकामबाट निकै टाढा भएको र जिल्लाको भौगोलिक विकटताका कारण आगो नियन्त्रणमा ल्याउन समस्या भएको वडाध्यक्ष जैशीकाे भनाइ छ ।

प्रतिक्रिया :

भर्खरै प्रकाशित

२० देशमा भेटियो कोरोनाको नयाँ भेरियन्ट ‘ओमिक्रोन’, नेपालमा पनि थालियो…

काठमाडौं, १५ मंसिर । कोरोना भाइरसको नयाँ भेरियन्ट विश्वका विभिन्न २० देशमा देखिएको रिपोर्ट बाहिर आएको छ । दक्षिण अफ्रिकामा सबैभन्दा पहिला रिपोर्ट भएको यो भेरियन्टका…

सर्वोच्चमा आजदेखि गोलाप्रथा

काठमाडौं, १५ मंसिर । सर्वोच्च अदालतमा आज (बुधबार) देखि गोलाप्रथा प्रणाली कार्यान्वयन हुँदैछ । प्रधानन्यायाधीशको विशेषाधिकार अन्त्य गर्दै न्यायाधीशले नै गोला तानेर इजलास र पेसी तोक्ने अभ्यास…

प्रहरी नियमावली संशोधन : एकै पटक साढे १७ हजार प्रहरीको…

काठमाडौं, १५ मंसिर । प्रहरी नियमावली संशोधन गरेर सिर्जना गरिएका वरिष्ठ सइ, वरिष्ठ हवल्दार र सहायक हवल्दार पदमा एकैपटक १७ हजार पाँच सय १७ प्रहरी बढुवा…

एमसीसी जस्ताको त्यस्तै पास गर्ने पक्षमा छैनौं : नारायणकाजी श्रेष्ठ

पोखरा, ११ मंसिर । नेकपा माओवादी केन्द्रका नेता नारायणकाजी श्रेष्ठले अमेरिकी मिलेनियम च्यालेञ्ज कर्पोरेसन (एमसीसी) जस्ताको त्यस्तै पास गर्ने पक्षमा आफ्नो पार्टी नरहेको बताएका छन् ।…

सौराहामा एमाले महाधिवेशनको बन्द सत्र शुरु

चितवन, ११ मंसिर । नेकपा (एमाले) को १० औं राष्ट्रिय महाधिवेशन अन्तर्गतको बन्द सत्र सचितवन सौराहामा शुरु भएको छ । निर्धारित समयभन्दा धेरै ढिलो गरी बन्द…