कोभिड परीक्षण अस्वीकार गरे मेसीले

बार्सिलोनाका कप्तान लियोनल मेसीले आइतबार प्रिसिजनअघिको अभ्यासका सत्रमा कोरोना भाइरस (कोभिड– १९) परीक्षण गर्न अस्वीकार गरेका छन् । नवनियुक्त प्रशिक्षक रोनाल्ड कोएम्यानले पहिलोपटक खेलाडीलाई आइतबार प्रशिक्षणमा बोलाएका थिए ।

प्रशिक्षणमा जानुअघि सबै खेलाडीको कोभिड परीक्षण भएको थियो । 

प्रशिक्षक रोनाल्डले आबद्ध सबै खेलाडीलाई कोभिड– १९ परीक्षण गर्न निर्देशन दिएका थिए । मेसीबाहेक सबै खेलाडीले कोभिड– १९ को परीक्षण गर्न दिएका छन् । मेसी नयाँ सिजनमा अन्य क्लबबाट खेल्न चाहन्छन् । गत साता उनले बार्सिलोनालाई ट्रान्सफर विन्डोमा सहज वातावरण बनाउन आग्रह गर्दै क्लब छाड्ने सन्देश दिएका थिए । 

बार्सिलोनाले अर्जेन्टिनी खेलाडीको रिलिज रकम ७० करोड पाउन्ड राखेको छ । पछिल्लो समय मेसी पेप ग्वार्डिओलाको प्रशिक्षणमा रहेको म्यानचेस्टर सिटीसँग नजिक छन् । गत साता नै मेसीले आफ्नो बुबाको माध्यमबाट सिटीसँग कुराकानी चलाउन लगाएका थिए । 

आइतबार नाउ क्याम्पमा रोनाल्डले लुइस सुआरेजलाई पनि पाएका छन् । मेसीसँगै सुआरेजको पनि अन्य क्लबमा जाने हल्ला चलिरहेको छ । सुआरेजले अर्को निर्णय नहुँदासम्म बार्सिलोनामै रहने जनाएका छन् । यसकारण उनी आइतबारको सेसनमा देखा परेका हुन् । 

३३ वर्षीय मेसी भने कुनै पनि हालतमा बार्सिलोना छाड्ने अवस्थामा छन् । १६ वर्ष नाउ क्याम्पमा बिताउँदा उनले ६ सय गोल गर्नुका साथै ३३ उपाधि जितेका थिए । बार्सिलोनाको जोआन प्रशिक्षण सेन्टरमा स्टार खेलाडीमा मार्क एन्ड्रे तथा जोर्डी अल्बा पनि सहभागी थिए । 

टाइम लाइन
१४ अगस्ट –    च्याम्पियन्स लिगमा बार्सिलोना बायर्न म्युनिखसँग ८–२ ले पराजित भयो, मेसीले खराब व्यवस्थापनको नतिजा भनी मुख खोले

१७ अगस्ट     –    बार्सिलोनाले प्रशिक्षक क्विक स्टटिएनलाई बर्खास्त गऱ्यो, बार्सिलोना १२ वर्षपछि उपाधिविहीन रह्यो

१९ अगस्ट     –    बार्सिलोनाले रोनाल्ड कोएम्यानसँग दुई वर्षको सम्झौता गर्दै प्रशिक्षकमा नियुक्त गऱ्यो

२४ अगस्ट –    प्रशिक्षक कोएम्यानले सिनियर खेलाडीहरूमाथि पुनर्विचार हुने र बार्सिलोना युवा खेलाडीको टोली बन्ने घोषणा गरे, जसबाट मेसी र सुआरेज दुःखी बनेका थिए

२५अगस्ट    –  प्रशिक्षक कोएम्यानका भनाइप्रति इंगित हुँदै मेसीले बार्सिलोनामा एउटा फ्याक्स पठाए, जसमा आफूले बार्सिलोना छाड्न चाहेको बताए

२६ अगस्ट     –    मेसीबाट बुबा जर्जले म्यानचेस्टर सिटीसँग सम्झौताको वार्ता गरे

३० अगस्ट     –  बार्सिलोनाले प्रिसिजनको तयारी गऱ्यो, जसमा मेसी प्रशिक्षण सेन्टरमा उपस्थित भएनन् । 

प्रतिक्रिया :

भर्खरै प्रकाशित

सिटीजन्स बैंक लुटपाट घटना: यसरी बन्यो बैंक लुट्ने योजना

कार्तिक १, विराटनगर।  व्यवसायी श्याम मुखियाले करिब ५ वर्ष अगाडि १० लाख रुपैयाँ ऋण लिएर विराटनगर–६ मा गार्मेन्टको कारोबार सुरु गरे । तर, व्यवसाय राम्ररी नचलेपछि…

राष्ट्रिय क्रिकेट टोलीको मुख्य प्रशिक्षकका लागि आवेदन खुला

काठमाडौँ — नेपाल क्रिकेट संघ(क्यान)ले नेपाली राष्ट्रिय क्रिकेट टोलीको मुख्य प्रशिक्षकका लागि आवेदन खुला गरेको छ । सोमबार क्यानले नेपाली राष्ट्रिय टोलीको मुख्य प्रशिक्षकका लागि आवेदन…

पाल्पामा आयुर्वेद सेवा लिने बढ्दै

रामपुर (पाल्पा), असोज ३१ गते । पाल्पामा आयुर्वेद औषधि सेवा लिने बिरामी बढ्दैछन् । ग्याष्ट्रिक, पेट दुख्ने, खान नरुच्ने जस्ता समस्या भएका बिरामीहरु आयुर्वेद औषधालयमा…

टी–२० विश्वकपको सातौँ संस्करण आजदेखि सुरु हुदै

काठमाडौँ, अशोज ३१ । सातौँ आईसीसी टी–२० विश्वकप आज देखि सुरु हुँदैछ । क्वालिफायर राउन्ड अन्तरगत आज दुई खेल हुनेछन् । समूह बी अन्तरगत ओमान…

चाडबाडले आउजाउ बढ्यो, गाउँमा संक्रमण फैलिने जोखिम

काठमाडौं, २७ असोज । चाडपर्वसँगै कोरोना भाइरस सङ्क्रमणको जोखिम पनि गाउँघरमा हुने भएको छ । चाडपर्व मनाउनमा गाउँघर र बजारमा मानिसको बढ्दो भीडसँगै कोरोना सङ्क्रमणको जोखिम…